IN goddes namen amen . Wie de Rat vnde de borgere ghemeẏnliken des wicbeldes tho / aschersleue Bekenne(n) vn(de) bethugen alle den de dessen brif sen vn(de) horen . Dat alle werre / vn(de) kẏf den wi hadden vn(de) hebbe(n) ghehat mit dem goddeshuse vnser vrowen vn(de) sineme / voremund(er)e dem proueste vnser parren vmme de scole wart vn(de) is ald(us) vorliket . Dat wi tho / desser iegenwordegen thẏt scullen keẏsen vn(de) setten eẏnen meister de vnsen kindere(n) bequeme / si dem scal dat goddeshus vn(de) sin vormu(n)der de scole lẏge(n) dorch vnser bede willen . Swen(n)e de / meister steruet oder komet von der scole mit welkerleẏge redeleker sake dat si . Dar na num(m)er / mer so scal dat goddeshus vn(de) sin vormu(n)der gewalt hebben dat se de scole lẏge(n) scolen weme id en / duncket bequemelich vn(de) gut . Queme auer de meister oder wene se dar na sethten¹ vns vn(de) vnsen / kẏnde(re)n nicht euene so sc[a]llen se den af setthen vn(de) lẏgen se eyneme ande(re)n . vn(de) de marc gheldes de / von der scole ghinc dar men de kerken mede besanc in der nẏen stat vn(de) alle vnrecht in der scole / scal ane wesen an allen stucken ledich vn(de) vri . Ouer dessen dinge(n) do de ghedegheding(et) worden / waren mit vns disse acbaren lude likerwis alle schede lude eyner sake . her heẏdeke de p(...)ban von / daldorpe . her hinric . vn(de) her arnolt stame(re)n . her brun vog(et) . her hẏnric vonme houe Riddere . / herman von winni(n)ge(n) eyn borg(er)e . vn(de) oppe dat desse vorebenomeden ding von des goddeshus we-/gene vn(de) vnser . stede bliuen vn(de) vnghebroke(n) so hebbe wi tho eyner orekunde dessen bref na goddes-/bort Dusent iar . drihundert iar . an deme viuentwinthegeste iare an sente pete(re)s vn(de) paweles / dage besegelet mit vnseme inghesegele