We .. radman vnde borghe(re) gemeyne van halb(er)stad . Quedelingb(orch) vnde Asch(er)sleue bekennen in disem breue vnde don / wetlik allen de en seen eder horen . Dat we mid ghudem willen sin vruntliken ouer en komen als hir na bescreue(n) / steẏt . weret dat vns enes orleges not anstuͤnde des we vns irweren mosten vnde scholde[n] so scolle we van halb(er)stad / holden teẏn man up orsen . vnde teẏn man uppe henksten .. vnde we van quedelingb(orch) teẏn man up orsen vnde vif man / uppe henksten vnde we van assch(er)sleue . vif man up orsen vnde teẏn man uppe henksten wir did volk behoded vnde / geladet worde van vnser aller wegene wan id buten de muͤren kumt so drage we schaden vnde vromen al ouer / en . sue auer vngeladet blift de nimt weder schaden noch vromen . vort mer wered vs not . so scolde we vnde / willen . to disem vorbescreuene(n) volke . winnen enen houet man . sulf veftegede up orsen jn welker stad se legen / de wile se in vnseme denste weren ir solt vnde iren schaden scolle we like dragen to enem orkuͤnde diser dinge / hebbe we vnser stede ingesegele hengt to disem breue . na godd(es) bort dusent jar drehundirt jar . indeme / acht vnde twintegesten jare des mandages vor Crucen