Wie bernt Bornke(re) hinze olere albr(echt) op dem weymberghe hans Panzgreue hans kensten / Reyneke von helpede Danel von Padeborne kanke frigke Conradesb(o)rch Tyle / guͦdeke vn(de) henni(n)gh Prachute Radmanne to asschersle(ue) bekennen openbar jn diss(em) / breue dat wie endrechtlekin vn(de) lutterlekin dorch ghod hebben gheleghin dem / beschiedenen manne her Gherarde von soltwedele die kerkin to sente katherinen / also dat hie bewarin vn(de) vore stan schal met allem goddis dienste vn(de) die siekin / vn(de) die andern die dar to horen gliker wis alse sine vorfardin (?) vn(de) die meystere / wie die sin nv edir hir na scholen ome gheuen die kost von dem hoͤue edir vor die / kost drie margh assch(ersleuenscher) weringhe vn(de) die kere¹ schal stan den vor geschreuen / meste(re)n vn(de) nicht an dem Priestere Ok scholen die suluen mestere ome geuen / to lone eyne were margh alle jar Ok so hebbe wie ouer gheuen alse wie von / rechte scholen wat jn die vier wende kuͤmmet jn oppers wise dat schal an / allerleyge weddir sprake volghin dem vorghe schreuen Priestere To eynem / opentlekin orkunde vn(de) wissenheyt so hebbe wie vor ghenanten Radmanne / dissem vor ghe sproken her Gherarde ghe geuen diss(en) brief truwelkin be/henghet hebb(e)n ghelaten an diss(en) brief na ghoddis ghe bort dretteyn/hundert jar jn dem achten vn(de) vefteghisten jare jn dem achten daghe / sente joh(ann)is des hilghen apostelen vn(de) Euwangelisten