Wie .. Rolef vn(de) .. Albrecht brode(re) blecke(n)dorp ghe heten , beken(n)en / appenbar in disseme jeghe(n)werdighen breue . alle den de / en sen vn(de) horen lesen . dat wie hebbe(n) gheleghen vn(de) ligen / den Erbaren luͦden . henni(n)ge talheyme . hen(n)i(n)ge strurme / hanse wolte(re)s . bernde stam(m)en . vn(de) jane van win(n)i(n)ge . vn(de) dar/na de(n) kala(n)des bruͦde(re)n ghemene in der stat to aschersleue / eyne halue houe in deme velde to zornitz . vn(de) vn(de) wille(n) des ere rechten weren wesen wor en des not is . to eyneme / orku(n)de disser len gansz vn(de) stede to haldene an allerleyge / argelist . so hebbe wie on bevestent mit vnses vader an ghehan[gh]en =/1 ingheseghel . Disse bref is ghegheuen na Goddes ghebort . dreteynhu(n)dert jar . jn deme seuendestighen jare . in sentte / valentines daghe des helighe(n) merter(er)es ...
| 1 | offensichtliches Versehen des Schreibers: der doppelte Bindestrich zeigt, daß das Wort ursprünglich in der nächsten Zeile fortgesetzt werden sollte, was dann aber vergessen wurde, weshalb das hochgestellte en nachträglich eingesetzt wurde |