Ek hans van molweẏden bekenne vn(de) betughe in dissem openem breue vor / alle den de on seẏn vn(de) horen lesen dat ik noch neẏn miner vrunt noch vromede(n) / de dorch mik don vn(de) laten willen scullen noch en willen Den Rad to aschersleue / noch neẏnen der borghere de de vorbenanten stad bewonet beschedighen hinde/ren noch an deghedinghen neẏnerleẏge wis vmme de schicht de an mi ghescheẏn is / vmme den scaden den se neme(n) to wẏnninghe (?) dar ik siluen mede was Vnde ok / vmme de sesteẏn b(ra)ndeborg(esche) m(a)rk de ik on gaf Vn(de) den scaden mede weder dede / de dar hinderstellich was Des to Orku(n)de disse dingh stede vast vn(de) vnvorbroke(n) / to haldende ane jenegherleẏge arghelist hebbik on gheuen dissen bref bese/ghelet mit minem anghehengheden ingheseghele nach Cristi ghebord drẏtteẏn/hundert iar in dem seuenteghesten iare des donresdaghes in dem pasche(n)