Jk curt von nyenburch be ken(n)e indiss(em) b(re)ue dat ik dy ernbarn wysen lude dy burg(er)meste(re) vn(de) / ratman(n)e der stede halb(e)r(stad) quedli(n)gb(u)r(ch) vn(de) asschersle(ue) alle ere burg(ere) vn(de) ge sinde dẏe dar in(n)e / wonen vn(de) noch wonende w(or)den vn(de) dy vor nomen(d)e knapin herman(n)e vo(n) agkinby arnde / stameren vn(de) alle ere ge sinde vn(de) dar na alle dy vo(n) diss(en) vor na(n)te(n) steden vn(de) vn(de) vo(n) ma(n)schap / wegen mede ge west sint ledich vn(de) los hebbe ge late allir ansp(ra)ke andedi(n)ge vn(de) schaden dye / jk mochte ge hat hebben vn(de) hebbe an diss(en) vor na(n)t(en) luden vm mynes geve(n)gniss(es) weg(en) vn(de) / schaden den jk ge nome(n) hebbe dar v(a)n vn(de) myner haue also dat ik des num(m)er mer ge de(n)gke(n) schal met arge vn(de) num(m)er mer wreken schal an diss(en) vor na(n)t(en) luden met worden noch met / w(er)ken mẏt fru(n)den noch met fromeden noch neyn ma(n) von myner weg(en) . dat dit diss(en) / vo na(n)t(en) radismeste(re)n vn(de) rade vn(de) dar na den erbarn lude(n) mynes here(n) man(n)e(n) vo(n) halb(e)r(stad) / vn(de) dar [...]¹ vo(n) erer wege(n) dar met sint gewest stede vast vnvorbroke(n) haldin / w(or)de dat loue jk en in truwen stede vast tuͦ haldene an allen hinder vn(de) tuͦ merer wyssenheyt / so sette jk en myne na beschreve(ne) fru(n)d tuͦ burg(en) vn(de) we(ret) dat der jen(n)ich af ginge by / myne(n) leue(n)de so schal jk en eynen arndern so guden burg(en) setten in des stede dy af gegan we(re) / von stadan alse jk gemanet worde des vn(de) scal loue(n) in syne(n) sunderleken b(re)ue . dar met schal / disse brief nich ge broken syn . Vn(de) wy hans peper vn(de) heyne peper be ken(n)e(n) i(n) diss(en) b(re)ue / dat wy alle disse vor schreuen stucke hebbe(n) ge louet vn(de) loue(n) vor geschreue(n) curde von / nyenburch vnse(n) fru(n)d vn(de) met em stede vast vn(de) vnvorbroken tuͦ halden in diss(en) b(re)ue an allirleye / argelist dissin vor schreue(n) burg(er)meste(re)n ratman(n)e(n) vn(de) ma(n)schap . vn(de) hebben en des tuͦ orku(n)d / dissen bref dar op gheue(n) beseg(elt) met hans² pepers inges(egele) . dar wy curt vn(de) hans ok vnder / loue(n) . dat is ge schyn vn(de) disse brief is ge geue(n) na goddis bort dretteyn hundert jar / in dem twen vn(de) achtentigesten jare in sunte mertens aue(n)de des [hil]ge(n) bisschops vn(de) heren