ik tyleke vizzinhaghin albr(e)cht min sone vn(de) vnse eruen bekennen opinbare / in dissim brieue alle den die oͤn sien edir horin lesin dat wie vor vif b(ra)nd(eborghesche) mark die / vnz riede witlekin vn(de) wol bethalt sint hebbin redilkin vn(de) rechtlekin den wisin luͤdin verkoft / heydekin wollekin vn(de) hanse meri(n)ghe spende mesterin tuͦ der grotin spende tuͦ asschir/sleue edir wie na oͤn spendemestere sin eyne halue mark des sulues gheldis jarlekir / gulde alle jar op tuͦ nemene op Paschin von alle deme Tinse vn(de) ghulde die wie hebbin / vt alle den husin von des greuen dore an vn(de) inder nygin stat wante an der stad grauen / an allirleyge inval vn(de) hindir auer wie edir vnse eruen moghin disse haluen mark tinsis / weddir kopin von dissin vor nant(en) spende mester(en) edir oͤrin nakomeli(n)ghen vm dat sulue / gelt vif b(ra)nd(eborghesche) m(a)rk welkis jar(es) wie willin wanne wie on dat eyn verndil jare vore vor / des tins tyd ver kuͤndeg(en) So schole wie oͤne denne dit vornante ghelt vif b(ra)nd(eborghesche) mark gen/zilkin bethalin met dem tinse die siek denne dar op borit ane hindir also sulues mogin / disse vornant(en) spende mestere edir ore nakomeli(n)ghe ore ghelt weddir esschin welkis jar(es) / sie willin dat schal me haldin sie met [der]¹ eschinghe vn(de) wie met der thalinghe alse vore / schreuen steyt alle disse vor geschreuen stugke loue wie vornant(en) tile albr(echt) vn(de) vnse / eruen dissin vornant(en) spende mester(en) vn(de) orin nakomeli(n)ghin in truwin met samdir / hant stede vast vn(de) vnuorbrekin tuͦ haldene an alleyge argelist inval vn(de) hindir vn(de) / gheuen on des dissin brief dar op tuͦ opintlekire orkunt vn(de) wissinheyt besegilt met / vnsin ingesegelin angehenghit na goddis bort dretteynhundirt jar indem vif / vn(de) achtintigist(en) jare in sente mattias daghe des hilgin apostelin vn(de) herr(en)