Jk hans von kreendorp di elder . Betman von hoim vnde tile vo(n) dem dale Beken(n)en / ope(n)bar in dissem iege(n)w(er)dig(en) briue vor alle den di one sen eder hor(et) lesen , dat wi mit / gudem willen vnd(e) wol vorbedachte(n) muͦde , gered vnd(e) g[e]loued hebbe(n) in guden truwe(n) / vnd(e) mit gesamder hant . vor dusse nagescr(euenen) vnse frunde hinr(ik) vnd(e) goriese gehete(n) / di gogenen (?) vnd(e) loue(n) mit on . den vorsichtige(n) wisen lude(n) . deme rade vnde den burg(ere)n / geme(n)tliken to asschirsleuen jn disser wise dat si den brif den si den forscr(euenen) wisen / luden gegeue(n) hebbe(n) vnd(e) mede geswore(n) hebbe(n) to den hilgen . alse vm(m)e di geschicht / di an on geschin is to wilsleue , vm(m)e alle stucke vnd(e) artikele stede vast vnd(e) vnu(or)broke(n) / holden schullen . an allerleie arglist infal vnd(e) geuerde . vnd(e) hebbet des to orku(n)de / vns(er) aller jngesegele . witliken vnd(e) mit gudem willen gehenghet late(n) an dissen brif / di gegeue(n) is Nach cristi gebort dretteinhundert jar , dar nach in dem dri vnd / nege(n)tigeste(n) jare , indem neesten don(re)dage nach sunte elzebeten daghe