Ek hans hinczen borg(er) to Asscherssleue(n) . hanne sy elike husfrouwe . vnd(e) alle vnse erue(n) Bekenne(n) / in dissem(e) open(en) breffe . vor alsweme . dat we mit gudem(e) Rade willen vnd(e) fulbort Jlszen . hinrik / Schafernichtes selig(er)n nalaten(en) weddewen . Clawses . Steffens . vnd matthieszes orer sone / dem(e) bescheden(en) man(n)e . hanse dibbeke ok borger to Asscherssleue(n) . Hanne(n) siner swester(e) . hans . / wÿn(n)i(n)ghes seligern weddewen . vnd(e) sinen erue(n) . recht vnd(e) redeliken vorkofft hebben . vnd vorkope(n) / ok in . vnd(e) mit crafft disses sulue(n) breues . eynen breff mit etliken tinszen dar jnne vorschreue(n) / de¹ , de ghestrenghen . Gheuert . Siuͮert . Betman . vnd Gheuert alle ghebroder(e) . gna(n)t van hoͤym / vnd(e) ore erue(n) . matthiesze schaffernichte . hinrike synem(e) sone(n) . beyde godes selige(r)n . vnd vort oren / erue(n) i(n) vorgangen(en) tijden vorkofft . vnd one den sulue(n) oren breff dar ouer besegelt . gegeue(n) hebbe(n) / vnd(e) we hebbe(n) one de gegeue(n) vor hundert vulwichtige gude rinsche gulden(e) . vnd(e) vor twintich gul=/den(e) . des gna(n)ten goldes . de se vns reide ou(er) full vnd all wol to dancke geue(n) vnd betalt hebbe(n) den / suluen breff mit den tinszen de vorgna(n)ten Jlsze . Claws . Steffen . vnd(e) matthies vor sek vnd ore erue(n) / mek hanse hinczen vnd hanne(n) myn(er) husfrouwe(n) . de eyn mede erue dar to ghe west is . willigen / hebben vor laten . neynerhande ansprake noch rechticheÿt vort mer to ewigen tijden dar ane nicht / to hebbene noch to donde . den breff we one vort mit guden willen dar op hebbe(n) jngeantwordet / so dat se de tinsze nuͮ vort mer i(n)mane(n) . op neme(n) vnd der ghebruken schollen mit allem(e) rechten . so / we vorgna(n)ten alle dar ane hebben ghehatt alle de wÿle dat de wedderkop . van den obgna(n)ten van hoÿm / edd(er) oren erue(n) . nicht ghe schijt noch ghe schin is . ane alle hulperede vnd gheverde , vnde ek / eirgna(n)te hans hinczen . hanne syn elike husfrouwe vnd vnse eruen . willen disses kopes / vnd breues ouer de tinsze vorschreuen . hanse dibbekes . hannen siner swester vnd sinen erue(n) / ore rechten weren syn . jegen eynem(e) jouwelken . mit allem(e) rechten . so we dar ane hebben / ghehatt . wann(e) vnd wur one des not vnd behouff syn wert . ane alle weddersprake vnd(e) geu(er)de / des to grotter orkunde vnd(e) wissenheÿt . So hebbe ek hans hinczen . hanne syn elike husfrouwe / ghebeden . Claws schaffernichte syn jnghesegel . vor vns vnd(e) vnse erue(n) to henghen(e) vnden(e) / an dissen breff . des we jtzundes van ghebreke wegen(e) vnses eygens hir ane ghebruken , vnd(e) / we vorgna(n)ten Jlsze . Claws . Steffen . vnd matthies bekenne(n) . dat we den vorschreuen(en) breff / mit den tinszen . hanse hinczen vnd hannen siner husfrouwen . mit guden willen hebben vorlaten / nicht mer dar an to saken(e) . des to tuͤchnisse hebbe ek Claws schaff(er)nicht myn jngesegel vor / hanse hinczen . hanne(n) sine husfrouwen vnd ore erue(n) . witliken laten hanghen vnden an / dissen breff . Na der ghebort cristi vnses here(n) . veirteyn hundert jar . dar na jn dem(e) seue(n)/vnd(e)veirtigesten jare am(e) mandage Sente Allexij dage