Wy Radman(n)e old vnd / nyen di nuͦ syn vnd na / vns tu kome(n)de synt in der / stad olden berlin Beke(n)nen / vnd betuge(n) i(n) desse(n) yege(n)wor=/dige(n) open briue vor allen / lude(n) di en sÿn , hore(n) lesen / vnd vorneme(n) dat wi met ge=/meyne(n) rade met volbedach/te(n) mude vnd met witte(n)scap / vnd vulbord vnser werke(n) / vnd gantze(n) gemeynheit / eyndrechtigliken hebb(e)n vor/kouft vnd vorkope(n) recht vnd / redelike(n) met craft dess(es) brifs / de(n) erlike(n) wisen lude(n) pristere(n) / di dar sint voreniget vnd ge/same(n)t od(er) v(m)mer vorenyget mo=/ge(n) werde(n) in tu kome(n)den tijden / ewichlichen in dem kalende / vns(er) ebenuͦmeden stad Berlin / ses pu(n)t gewonlik(er) berlinischer / pen(n)i(n)ge Jerliker rente(n) vnde / ewiger plicht , di sÿ scolen neme(n) / alle Jare von deme sehe bÿ stralow / met eige(n)duͦme vnd gerechticheit / vnd met aller tubehoringhe guder / gewonheit Nutte vnd frome(n) / vnd met allem rechte tu hebb(e)n / vnd tu besittene alse wi sy vor i(n) / eyne(n) rechten eygendume i(n) lehne / vnd i(n) gude(n) gewere(n) we(n)te an desser / kege(n)wordige tijd van vnses // h(e)rn des marggreue(n) gnade(n) row/liken vnd fredeliken beseten / vnd gehat hebb(e)n na vtwisunge / vnd lude des egen(omeden) vns(es) gnedi/ge(n) h(e)rn des margg(re)ue(n) handueste(n) / vnd sunderlike Briue vtgenome(n) / dat ou(er)ste gerichte vp deme vor/benuͦmeden sehe des wi selue(n) / gewaldich vnd mechtich willen / bliuen , wan sich dat geboret / des erbenomede(n) sez pu(n)t re(n)ten / vnd ewiger¹ plicht sal em / geue(n) aller Jerlik dÿ ma(n) , de / nuͦ den sehe vischet vnd nattet , / oder dy , deme sy na syne(n) tijden / de(n) selue(n) sehe tuͦ vische(n)de don vnd / beuelen , vnd wi hebb(e)n der gentz/like(n) vnd al vortege(n) vnd vortige(n) / vp der selue(n) vorbenumede(n) kala(n)d(es) / here(n) nud vnd frome(n) vnd wille(n) / einder ok vor aller manglik / eyn gantz gewer syn vnd wille(n) / ok dat guͦd vordedinge(n) glich / ande(re)n der stad guͦde , wenne / vnd war em des nod sy , vor / desse sez pu(n)t eige(n)dums ty(n)ses / vnd ewig(er) plicht , hebb(e)n vns dy / dicke genante(n) erlike lude vnd / h(er)r(e)n vt dem kalande gegeue(n) , / an rede(m) gelde twe vnd soue(n)tigh / schok breder Bemisch(er) grosch(e)n / pregisg(er) ² mu(n)te di wy redeliken / i(n) vns(er) stad nuͦd vnd frome(n) ge/keret vnd gewant hebb(e)n vnd / wi late(n) em der gentzlike(n) quid / ledig vnd los in dessen briue . / des hebbe wi tu eyn(er) vulkomen(er) / bekentnisse vns(er) stad große Jng(esegel) / an dessen brif laten hengen . dy / geg(eue)n is na (cristi) gebord dritteyn/hund(er)t Jare i(n) dem eyn vn(d) achte(n)=/tigste(n) Jare an su(n)te ioh(annes) baptiste(n) / dage tu midde(n)somer /