Vor alle dy iene dy dyssen bryff syn vn(de) horen lesen buke(n)ne(n) wir ratma(nne) zcu koppenig(e) Joh(ann)es segewelt vn(de) claus / rorbeke peter zheryn vn(de) joh(ann)es zhrother Joh(ann)es Rose(n)boum dat wi mit gude(n) willen vn(de) mit vorbedachte(m) / mute vn(de) mit rade vnser meynheyt hebben vorkoupht den erbarn kallandes hern zcu koppenig(e) eyn breyt zhog / prauwess(er) grossen vor teyn zhog breyder grossen vn(de) dy ratlyde sollen geben daz vor gena(n)te zhog den vorbena(n)te(n) / erbarn kallandes heren zcu koppenig(e) alle iar vb deme dage der botzhapht vns(er) lyben (fro)wen weres daz wy daz vor/gena(n)te zhog(e) weder kouppen wolden dat solde wy en weder eyn virdeyl iars vor vnser liben (fro)wen tage vb segen / So solle wy den heren er teyn zhog(e) vn(de) ere plege geben vb deme tage alles hir buzreben stet zcu vorn Ouch we/res daz dy vor bena(n)te(n) kallandes heren weder vor kouppen wolden dat zhog(e) so sollen sy vns dat segen zcu vorn / vor vns(er) liben (fro)wen tage eyn virdel iars so solde wi daz selbige zhog von en koupen vor theyn zhog(e) grossen vn(de) sel/den en den vb deme selbigen dage vns(er) liben (fro)wen dy vor gena(n)te(n) teyn zhog vn(de) plege geben vn(de) gelden weres aber / daz wys nicht betalden wes sy den des zhaden neme(n) den solde wy en gelden vn(de) richte(n) Dat wi disse vor buzhrybe(n) / sacken gantz vn(de) stete halde(n) wille(n) des labe wy ratma(ne) vn(de) dy gemeyne vor vns vn(de) vor vnse noch welger myt sa(m)/der hant ane alle arge lyst vn(de) ane clage den vorgena(n)ten kallandes heren zcu eyner warheyt vn(de) zcu eyner ken=/isse disses bryphes hebbe wy geha(n)gen vnse ingesegele disser stat zcu koppenig(e) gezhreben vn(de) geben nach godes ge/bort thusent iar dryhu(n)dert iar dar na i(n) deme eynachtichgysten iare an deme su(n)dage also ma(n) singet q(uas)imo(do) ge(n)iti /