Wi Ratmanne Alden . vnd nygen der stad alden Berlin Bekennen vor vns vnde vnse nako/melinge vnd vor allen luden dy dessen openen Briff syn odir horen lesen dat wi endrech/tigleken met Rade vnd fuͦlbort vnser werken . . vnd gancer gemeẏnheyt , Redeleken hebben / vorkofft vnde vorkoͤpen ok met Crafft desses Jegenwerdigen bryues deme erleken ma(n)ne / her(re)n nicolas . ploͤnize vnde sinem frunde Arnolde Cosseman tuͦ orer twier liuen Twe schok / Bemesscher grosschen Jerleker plicht . Alle iar . vp sunte mertins dagh . vp vnseme Rathuͤse / tu Berlin tu betalende vnuortogeliken sunder allerleyͤ hulpperede . vor achteyn schok ok / bemesscher grosschen dy sy vns an Reden gelde betalet hebbe(n) . vnd wi in vnser stad Berlin nuͤt / gebracht hebben . vnde dy twe schok scolen . vallen van eynem vp den andere(n) ok vp den dy / vndir den beyden lenghest leͤuet vnde nach orer twyer dode scole . wi . vnd vnse nakomelinge / der twier schok ledig vnde los siͤn Thu tuge . vnd Bekentnisse . hebbe wi . vnser stad Jngesegele an dessen Briff laten henghen dẏ ge geue(n) is nach (cristi) gebort dusent vnde drihundert / Jar Jn dem eyn . vnd achtentigste(n) jare An sunte katherine(n) dage der heilige(n) Juncfrouw(e)n /