Hyr heue(n) an die / Recongnic(i)ones / dat sint openbar / Bekentnissen dy ma(n) den / luden geft vp lifgud vp / eyne(n) wederkop oder vp ge/legen geld . di dat der stad / Berlin lige(n) oder aue kope(n) / alle di Reco(n)gnic(i)ones dy de / stat von sich geft dy sal / man hir na schriue(n) . doch / geue man eyne(n) alse den / andere(n) briue di glik stu(n)de(n) / den derf man nicht i(n) desse(n) / buke schriue(n) me(n) di name(n) / vnd dat geld . vn(d) ma(n) sch(ri)ue / dat syn brif steit alse des / mannes vn(d) nuͦme dan / alse vor steit geschreue(n) /

Wy Radman(n)e tu B(er)lin / Old vnd nye Beken(n)e(n) / vn(d) don witliken vor vns / vn(d) vnse nakomelinge / des rades i(n) desse(n) ope(n) briue / vor alle(n) lude(n) dy desse(n) ope(n) vorneme(n) . dat wi hebben vorkouft vn(d) vorkopen i(n) dessen briue met gude(n) / vorbedachten wille(n) muͦde / vn(d) eynes gemeynes rades / vnser gulde(n) vn(d) vns(er) werke(n) / deme erw(er)dige(n) prist(er) Er seg(er) / Rudow . ses schok guder ge/wonliker grosch(e)n . vn(d) eyne / mandal groschen . Jerliker / Rente di wi em scholen vnd / willen betalen wol tu danke / vp vnsen Radhuse tu twen / tijden in deme Jare . di wile / Er seger Rudow leuet su(n)der / alle vortogh . dy helft tu su(n)te / walburge(n) dage . vn(d) dy ander / helft darna tu wynachten / we(re)t sake dat di liue god vp ey(ne) / tijd vnse vn(d) vnser nakomeli(n)ge / in deme rade gesucke so gud / makede dat wi wolden di selue(n) / ses schok vn(d) eyne mandel Jer/like rente wederkope(n) di wille / vn(d) macht sal an vns Radman(n)e / vorgeschreue(n) wesen vn(d) nicht / an Er seger oder an nyma(n)de / sy sint geistlike od(er) w(ert)like / vn(d) vorstorue ok er segher / von godes willen alse wi alle sterflike sint so scole(n) di ses schok / vn(d) mandal Jerlike Rente we[dder] / sterue(n) an vnser stad Berlin // ledich vnd los . des tu orku(n)/de is desse Brif et cet(er)a /