Wy Radman(n)e old vn(de) nye / tu B(er)lin Beken(n)e(n) Et cet(er)a / dat wi der krem(m)enbok(er)ynne(n) // vnser Borg(er)sche(n) vn(de) ore docht(er) / kind i(n) deme klost(er) tu spandow / Berehouis docht(er) vif schok b(emischer) g(roschen) vorkouft hebben ¹ vn(de) het der stad briff di steit / alse Rutgers we(n) dat or briff / steit tu twe(n) liue(n) dat gelt von / eine tu den andere(n) tu steruene /

Wy Radman(n)e old vn(de) Nye / tu Berlin Bekenne(n) ope(n)bar / dat wi befolen hebb(e)n vn(de) gedan / deme erliken prister Er Michele / klosterwolde . dy wile he leuet / des hilge(n) geistes Capelle met / deme houe Rente un(de) met aller / olden tuhorunghe tu vorstande / truweliken an geistlike(n) dinge(n) / missen tu holden vn(de) deme houe / an gebuwe vortuwesen vnd / ok deme gesinde des houes flite=/like tu vorstande , arme lude dy i(n) / deme houe sint vn(de) di noch na / na vnsen willen darynne kome(n) / moge(n) . dy sal he spisen na vnsen / rade Gesinde vn(de) arbeides lude / sal he i(n) deme houe setten vnd / vntsetten als wi vnd he daran / des houes beste der kennen / Ok sal he vns von des houes / Rente Rekenscap holde(n) wen / vn(d) wuͦe dicke wi dat an em / muden Worde au(er) Er michil / so old vn(d) krank dat he deme / gude nicht kunde vorsyn so mach / he tu sich i(n) deme houe nemen / eyne(n) Capellan di dat gud von / syn(er) wegen vorsteit den Capplan / sal he begude(n) na vnsen rade / Auer na Er michil(en) dode so sal / alle dat gud dat he i(n) deme houe / getuget vnd gebracht het bliue(n) / in deme houe su(n)der alle manu(n)ge / geistliker vn(d) werliker p(er)sonen / Vortm(er) sal Er michil der stad gebide / an p(er)de vn(d) an wagendinste vn(d) / an ander rechticheit Bullen vn(d) / Beren flitlike holden vn(d) an and(er) / stucken alse di stad von older yͤ vn(d) yͤ i(n) deme houe het gehat / Ok wil wi Er michile vn(d) syn / gesinde vm(m)e des houes nod vor/dedingen . alse wi best moge(n) vn(d) / kone(n) . Tu orkunde is vns(er) stad (et cetera) / Gegeu(en) na god(es) gebord dusent dri=/hu(n)d(er)t vn(d) xciiij des middewekes / vor petri vm(m)e vastelauend /