Wy Radman(n)e olde vnd nye / desser stad Berlin Beken(nen) / ope(n)bar vor vns vnd vnse na=/komelinge in deme rade vnd vor / allen luden (et cetera) dat wi hebb(e)n vor=/kouft vn(de) vor kope(n) met craft / desses briues deme bescheiden / ma(n)ne hanse schoneveld Borg(er) / tu stetin . Elizabet syn(er) fruwe(n) / vnd syne(n) erue(n) achte / schok be(misc)h(er) / groschen jerlike rente . di wi alle jare scholen vnd willen / em geuen von vnsen Radhuse / tu Berlin vn(de) scolen em dy selue / Rente an ¹ geue(n) alse wynachte(n) / negst komet vor ou(er) eyn Jare / vn(de) dan vortm(er) alle Jare vp / deme selue(n) dage sunder vor=/tog vnd hinder . worde auer / vnser vnd vns(er) nako[me]linghe / in deme Rade gelucke so gud / dat wi di achte schok renten / wolden wederkope(n) so sal ha(n)s / oder syne erue(n) vns des selue(n) / wederkopes willichlike(n) gun(n)e(n) / vor hundert schok bem(ischer) grosch(e)n / alse he di achte schok rente(n) / von vns koufte , vnd dy hu(n)d(er)t / schok het he vns tu danke / wol betalet dar vor late wi / em . vn(de) hebb(e)n dat geld ge=/bracht i(n) vnser stad Berlin / nuͦth vn(de) frome(n) . Ok dru(n)ge / hanse od(er) syne(n) erue(n) nod dat / he wolde un(de) muste di achte / schok rente(n) vorkope(n) So scole(n) / sy vns di irste(n) tu kope anbijde(n) / wil wi dan dij rente nicht kope(n) / deme sy dan di vorkope(n) na vnsen / rade deme wil wi sulk eynen / brif geue(n) alse desse vtwiset / Ok wen wi oder vnse nako=/melinge den wederkop don / willen . oder hanse oder syne(n) erue(n) / nod dede dat gud tu vorkope(n) / dat sal vns(er) eyn deme andere(n) / tu vorne segge(n) ey(n) virdel Jares / Geg(e)u(en) tu Berlin vm(m)e Jacobi / anno nonagesi(m)o septimo /

Mathis Rockstede het ok / der stad Briff vor vir schok / Rente(n) de stan veftich schok / weder tu losen . vn(de) syn briff / steit von worde tu worde alse hans schoneveldes briues /