Allen den die dessen briff (et cetera) / wye Ratman(n)e olde vnd(e) nye / der twyer stede Berlin vnd(e) colne / beken(n)en vnd(e) betugen vor vns / vnd(e) vnse nakomelli(n)ge des selue(n) / Radis dat wie hebben vor kofft / vnd(e) vorkopen mit krafft disses / keinwordiges brifes deme ersa/men hanse garcz burger tuͦ wy/tstok katherinen siner eylike(n) / werdyn(n)e(n) vnd orer twyer erfe(n) / achte schok guder gewonliker / g(roschen) . Jerliker tynse vnd Rente vor / hundert bemische schok vns wol / betal(et) die wye hebben gebracht vnd(e) / gewant in vns(er) twier stede nuͦt / vnd(e) from die achte schok wille / wye vnd(e) sullen den egn(an)t(en) luden / betale(n) wol tu danke vnd(e) tu wille(n) / vnvortogelich alle Jar vppe wyna=/chte(n) vpp vnsen Rathuse vpp der / langen Bruggen , Worde den / hir na czuͦ tyden von gotz gnade(n) / vnse geluͦcke guͦd dat wie vor/gn(an)t(en) luden hanse gartz wolden / de hundert schok wed(der) geuen vor / dy achte schok dẏ sullen sy mit wylle(n) / sund(er) wederrede von vns nemen // betal(et) vnd(e) die egnant(en) achte schok / sullen qwit ledich vnd(e) los genclich / den wesen . gescege ok dat wie de(n) / egn(an)t(en) luden vefftich schok wolde(n) / weder geuen die sullen sy gutlich / vnd(e) wyllich von vns nemen vnd(e) / dar med den sullen ledich qwit / vnd(e) los syn viͤr schok gr(oschen) van de(n) / egna(n)t(en) acht sch(o)ken vnd(e) dy ande(re)n / viͤr schok wylle wie betalen de(n) / egna(n)ten luden tuͦ stu(n)den als vor/gescreben is wen(n)e wie den egn(an)t(en) / luden geuen de leste vefftich schok / so sulle wie den der viͤr schok gr(oschen) / qwit ledich vnd(e) los sin vnd(e) wen / wy den dat gelt den egn(an)t(en) luden / wyllen weder geuen als vor ge=/screben is dat sulle wie en eyn / viͤrdel iars tuͦ vor(e)n seggen Wer(et) / ouͤk dat hans garz kathe(r)ine / sine elyke werdinne eder ore / eruen dy egn(an)t(en) achte schok wolde(n) / vorbad vorkopen ande(re)n luden / so sullen sy dy vns yrsten vele / byden wylle wyͤ den der nicht eder / vnse nakomelinge so mogen sy / den dy achte schok vor kopen / weme sy wyllen vnd(e) den dy dy / achte schok kopen sulle wie sulke / brife geuen als wy dyssen egn(an)ten) / hanse gartz syner werdi(n)nen / kathe(r)inen hebben gegeuen , Dess(er) / vorbescreuene(n) ding(e) tu or=/kunde vnd(e) gewyssenheyt hebbe / wye vnser twier stede Ingesegil / Berlin vnd(e) colne laten he(n)ghen / an dissen briff nach cristi gebord / drytheyn hundert Jar i(n) deme / negen vnd(e) negentisten iare / an su(n)te pauels dage c(on)u(er)sio(n)is /