Tile wardenberg

Tyle wardenb(er)ges ou(er)tredu(n)/ghe di he het began an / deme Rade stad w(er)ke(n) vnd an / den gemeyne(n) tu Berlin / Jrste sake dat vake geschag / bi der Bergschen here(n) tȳden / we(nn) di forsten vn(de) h(e)re(n) tu sik vor/boden i(n) di stad tu Berlin di h(er)re(n) / man vn(de) stede vt deme gantze(n) / lande . wen dan tile warde(n)berch / olderman was vn(de) di forsten / den here(n) manne(n) vn(de) stede(n) g(e)ue[n] / hadden ende gegeue(n) vnd(de) sande(n) / tu Tilen dat tile solde hebben / late(n) vor bode(n) di bernen lude / dat sy vor di h(e)re(n) kome(n) weren / so en wolde des tile nicht don / vn(de) reͤd vp dat veld vn(de) warde / der here(n) nicht des quemen / di stede vt deme gantze(n) lande / tu vnvorwinliken schaden / Ander sake he was twidrechtik / met syne(n) cu(m)pane(n) i(n) dem rade / als we(n) syne cu(m)pane di berne / lude di met em in deme rade / seten wes seden bi ore(n) geswo=/ren eden so bestot he sy vn(de) hit / sy swigen . dat sy nicht macht / en kunden hebb(e)n tu radende / vm(m)e der stad nud vnd fromen / dar sy tu gesworen hadden . dat // der stad tu grote(n) schade(n) is gekom(men) / Dridde sake he vorsumede sich / an eyner pelgerymne(n) di qua(m) / von Rome vn(de) vur dorch di stad / Berlin vnd ward beroͤuet vnd / geschindet nicht verre von d(er) stad / von etliken des selue(n) tyle(n) fru(n)de(n) / den sande(n) dy Radman(n)e ore dyn(er) / vnd h(e)te(n) den Rouer suke(n) byn(n)en / deme dat sy en suchte(n) qua(m) hi in / der stad Berlin den hadden dye / Radma(nn)e gemeynlike g(er)ne gesyn / dat me(n) en hadde angeverdiget / vnd kunden tylen oren olderma(nn) / dar ny tu gebringe(n) dat he dat / heuen wolde dat me(n) den an ge/verdiget hadde dat ey(n) tuͦ schade(n) / Virde sake vorsuͦmede he sich an / deme dat he makede den vpstot ke=/gen deme keysere karl ¹ vnseme / here(n) dat deme lande vnd vns tuͦ / grote(n) schaden is gekomen / Vefte sake het he sik vorsumet / an deme alse he eyn olderman / was dat he lit halen den slotel / von der stad kisten von eyme / kemere(r) vnd hadde den met deme / andere(n) kemerer bynne(n) syne(n) ge/walt wol ses daghe od(der) mer / sunder witkenscap al der andere(n) / Radman(n)en vnd sande dar na den / slotel deme berne(r) manne weder / deme hi beuolen was von der Radmanne(n) dar he vnrecht an dede . / Seste sake Jn deme als dy / Radman(n)e dorch der bescherme=/nisse wille der land tu sich ghe/nome(n) hadden gude lude dy von / der Radma(nn)e wege(n) vn(de) von der / stad wegen hilden dy hadden / tu eyne(n) houetman Tilen von / Zelchow ² den legden sy tu der h(er)b(er)ge / tu Tile wardenb(er)ge vnd legden / bardeleue(n) tu pecze Jacobe . den / wi di guden lude scolden vt der / herb(er)ghe losen don qua(m) petze / Jacob vn(de) rekende twe pu(n)d / vor mede vn(de) vyr auer tyle / rekende achte pund vor mede vn(de) / vyr dan worden dy guden lude / gevraget wes em witlike were / don bekande(n) sy dat sy vele mer / vorteret hadden in petzen hus / we(nn) in tylen doch wolde tile di achte / pund genome(n) hebb(e)n hadden sy em / di Radmanne willen geue(n) / Soue(n)de sake vnse gnedige here / di keyser seliger dechtnisse hadde / tu vns gesant syne ambachtlude / vnd lit vns segge(n) dat wi Tylen / weder i(n) deme rade nicht solde(n) kysen / dede wi dat dar boue(n) dat were / weder em vnd were beide(n) stede(n) / tuͦ male schedeliken . dorch der / houart vn(de) des vnrechte(n) wille . / so lite wi tilen vt deme rade / Achte(n)de sake alse wi de(n) seluen / Tilen vt deme rade gelate(n) hadde(n) / don arbeide he von fru(n)de(n) tu fru(n)de(n) / wie he twidracht vn(de) gewer // makede tuschen den Radman(n)e(n) / vnd den gemeyne(n) borg(er)n vnde / gink vnd stund darna war he / muchte dat he twidracht makede / tuschen beiden stede(n) dat is de(n) / stede(n) tu grote(n) schaden gekome(n) / vnd vnse werke(n) vn(de) gemeyne(n) borg(er)n des hebb(e)n vor vns be/kand i(n) syner jege(n)wordicheit / dat he sy geholden hebbe tu twi=/dracht weder dy Radmanne / we(n) he hadde den berne(r) luden ge/secht ouer dy Radman(n)e dat he / anders nergend vm(m)e vt deme / rade gelaten were we(n) dar vm(m)e / dat he nicht gestaden wolde dat / me(n) der stad geld met mantele(n) / von den huse druge ³ . dar vm(m)e / beschuldigeden en di Radman(n)e / vor deme gerichte vnd geleide(n) / en vor dat recht dar vor buthet / he den Radman(n)e ede vor di rade / don he di ede don wolde . don / ginge(n) vnser borge(r) mer we(n) / virtich vor dat gerichte vnd / bekenden dar openbar dat he / em io di rede gesecht hadde / nochtens swuͦr he dar boue(n) / vn(de) an deme genuͦget vns wol / vn(de) wi reden dar boue(n) nicht / Nege(n)de sake wen di Radma(nn)e / tu sik vor bodeden dy gemey=/nen borge(r) vn(de) hadden met de(n) / tu redende vm(m)e vnser heren / nuͦd vnd frome(n) vn(de) der stede / nod so volgede(n) dy gemeyne(n) / borge(r) den Radman(n)e(n) ores rades / g(er)ne vn(de) scheiden sik ey(n)drechtlike(n) / von den Radmanne(n) au(er) an den / andere(n) dage wen he dat darvuͦr / so schikkede he dat di gemeyne(n) / borgere weder tu sam(m)e queme(n) / so muste me(n) di Radman(n)e vorbode(n) / so warp tile alle dedinghe / weder vm(m)e der dy Radman(n)e / met den gemeyne(n) were(n) eyn/drechtich worden des sint dy stede tu grote(n) schaden komen vn(de) / di Radma(nn)e met den gemeynen / borg(ere)n kunden vnsen here(n) dar/vm(m)e nicht tu dinste werden alse / sy gerne hadden gedan / Teynde sake he hadde den ge/meyne(n) borge(re)n gelouet wolde(n) / sy em volgen he wolde en schaf/fen dat sy ewichliken solde scho=/te vri solten bliue(n) der Rede heb=/ben sy vor syn ogen bekand / vn(de) he wiste wol dat he dy sake / vnmogelike ku(n)de vort bringe(n) / wen dat he na twidracht dar / mede tu allen tÿden stunt / Elfte sake vnse h(e)re di in margg(re)ue / hadde met syne(n) here(n) manne(n) vnd / steden eyne(n) landfrede(n) selue(n) be/grepen deme gantze(n) lande tu / gude den freden hinderde Tile / wardenb(er)g alleyne dat wi nicht / macht konden hebben von beide(n) / steden den landfreden vuͦlborde(n) / Darna wart he dorch eyn(er) vuͦge / vnd bescheidenheit wille weder / in den Rad gekore(n) by dat wi dar / met hadden vormoge(n) vorwyn(n)e(n) / di twidracht di twidracht vn(de) dat / gewere dat wi von em hadden // den nochtens lyt he nicht aue / vn(de) makede des vele mer we(n) / he vor ye gedan hadde Ok wart / he den dorch sunderlike dedinge / willen von beider stede wille gesa(n)t / tu eme dage tu Brandenborch kege(n) / vns here(n) man vnd stede des heb=/ben vns yre(n) ma(nnen) vn(de) stede em ge/togen vnd tige(n) em noch dat he / sik tu deme selue(n) dage scole hebb(e)n / ouer gegeue(n) met an tu stande in / deme krige den etzlike vns here(n) / man hadden met den Meideborchges/chen ⁴ des wi en nicht beuolen vn(de) geheiten hadden . dar wi Radma(nn)e / von beiden steden vn(de) wi werke(n) / noth vm(m)e tu dedinge stan von / here(n) Rittere vnd knechte . dar/na bede wi vnsen gnedige(n) h(e)re(n) / syne man vn(de) stede dat sy den / selue(n) tylen berichten dat he vns / von der manu(n)ge hilde dar an / ku(n)de wi des here(n) noch ander lude ge/nyte(n) wi muste(n) vns selue(n) breken / wie wi ku(n)den von der manu(n)ghe /