Dzenker wart geradebrak[et] / al vm(m)e dat , dat he drouwe/de desse stad tu hynderne id / were dag oder nacht wo he dat / geenden muchte dar worde / wi vor gewarnet von berue(n) / lofliken luden di in steden / vn(de) vp deme lande sete(n) di de / rede dicke von em horeden / vn(de) sende(n) vns dorch warnu(n)ge / ore briue , tu hantz sende wi / briue weder tu Berue(n) lude(n) / dar wi vns szenkers vormu=/den di en vor muchte(n) vnde / boden vor vns lyk vn(de) recht / wi wolden kege(n) em nicht vn/recht syn wi wolde(n) vnse sake / bliue(n) bi here(n) vn(de) forste(n) by / houetlude vordema(nn) vn(de) stede / don worne(n) vns berne lude / eyne(n) dag dat wi kege(n) em / quem(m)e(n) tu kotebus vn(de) hilde(n) / dar met em eyne(n) veilige(n) dag / don wi met em solde(n) dedinge(n) / don wolde he vor di lude nicht / vn(de) dedingede vt eyne(n) gema/ke vn(de) wolde sich nicht laten / besyn don vorneme(n) dy Radm(anne) / vn(de) mer lude dat he muͦtwillige(n) / vn(de) ou(er) recht wolde met em leue(n) // vn(de) al syn dedinge weren / anders nicht we(re) dat he geld / vn(de) gud hebben wolde von / der stad des wi em nicht plich/tich were(n) . vn(de) were(n) vnschul/dich syner tu sprake als alle / berne lude derkenden dy in / syne(n) vn(de) vnsen dedinge(n) were(n) / di en nicht kunde(n) vormoge(n) / tu lyke vn(de) tu rechte vn(de) sprak / he kunde met vns nicht tu / rechte kome(n) he muͦste denken / dat he sich selue(n) richte vnde / drouwede vns sere darmet / alse di berne lude vns warn/den di id g(er)ne gud hadde(n) gesyn / dar na alse he nerge(n)t tu wol/de don derfure(n) di Radmanne / von guden frunden dat he sich / legere(n) wolde bi di sehe vn(de) / wolde von danne di stad hin=/dere(n) vn(de) berne(n) don lite(n) die / Radma(n)ne vp em holden dat / sy en grepe(n) tu odersb(er)ghe / alse he tu der sehe wart wol=/de tyn . do bekande he tu hantz / we(n) he wech kome(n) he wolde / di stad gehindert hebben / solde em dat gekost hebben / lif ere vn(de) gud . vn(de) wart / vm(m)e di sake gericht /