Mathis Dorsten hed upp / dessin Rathuse alle Ja[r] thu / syme liue viͤr schok g(roschen) / vnd Sweder von dorsten / Burg(er) thu stettin sal hebben / nach mathis leuende twe schok / g(roschen) von den viͤr schocken des / hebbe(n) sy vns(er) stad briff dy / steit von worde thu worde als hiͤr nach gescreue(n) is /

wiͤ Ratmanne old vnd nye der / stad Berlin dy nuͦ sin vnd noch / yn deme Rade thukomde sin be=/kenne(n) vnd bethuge(n) vor vns / vnd vor vnse nachkomlinge / Jn deme Rade vnd vor allen / dy dissen bryff sin ader horen / lesen dat wi med eyndrechti=/gen vulkome(n) berrade hebb(e)n / vorkofft vnd vorkope(n) mid / krafft disses briues deme / bescheiden ma(n)ne mathie von / dorsten louwe(n) sone van dorsten / ein clerik jn stettin viͤr schok / g(roschen) Beimsch(er) mu(n)te Jerliker Renthe dy wi em sullen vnd / wille(n) alle Jar geue(n) van vns(en) / Rathuse thu Berlin dy wile / dat he leiued vnd nach syme / dode sulle wi vnd will(e)n geue(n) / syme vedde(re)n Sweder von dorsten / kystemekere burg(er) thu stettyn / twe schok g(roschen) Jerlik(er) Rente der / vorben(o)mde(n) gr(oschen) dy wile he leuͤed / uppe dessen ne[chsten] winachten / vnd vort mehr alle iar ¹ up deme / seluen dage suͤnder vortoch vnd / hyndernisse vnd vor desse Rente / viͤr schok g(roschen) thu syme liue alleyne / nach syne(n) dode twe schok g(roschen) thu / sines vedde(re)n liue alleyne hefft / vns mathis von dorsten wol thu / danke betaled xxxiiii schok g(roschen) / p(re)gischer mu(n)te dy wi¹ hebbe(n) up ge=/bored vnd hebben dy Jn vnser / stad Berlin nuͦt vnd fromen / gekeret vnd gebracht , der xxxiiij / schok g(roschen) late wi em ledich vnd / los med orkunde des keginwor=/digin briues des thu orkunde / vnd thu bekentnisse hebbe wi / vns(er) stad Berlin groste Jng(esegel) an / dessin bryff gehangen nach gots / gebord virteinhundert Jar an / der heiligen dryer koni(n)ge dage / thu Berlin (et cetera) /