It(em) wie Ratlude thu B(er)lin (et cetera) / Beken(n)e(n) allin lude(n) (et cetera) dat / wie hebbin vorkoufft vnd vor=/kope(n) med crafft dissis briues / Recht vnd Redelich dem ersame(n) / ern p(re)wenitze . gesen thile / Reinekens eilike werdynne / vnd mathe(us) des selue(n) thilen / Reinkens sone drye schok Bemisch(er) / g(roschen) p(re)gisch(er) mu(n)te jerlik(er) plicht / vnd Rente thu orer dryer / liue vor xxx schok Bemisch(er) g(roschen) / die siͤ vns hebb(e)n betalet wol / vnd gancz thu danke dy selue(n) / xxx schok hebb(e)n wiͤ gewand / vnd gekeret in vns(er) stad from / vnd nuͦt der late wy em / ledich vnd los med dessin / briue . die selue(n) dryͤ schok / Renthe vnd plicht willin wye // vnd sullin vnd gloue(n) den vor=/gen(an)te(n) lude(n) thu geue(n)de wol thu / danke vnd thu wille(n) up winachte(n) / von Jar(e) thu Jar(e) sund(er) vortoch / hindernisse vnd alle argelist / alle wile dye dry lude leuͤen / von vns(en) Rathuse thu Berlin / med sodan vnd(er)scheit , wen ore / eyn sterffit nach god(es) wille, / welk den lengist leuet nach / dem and(ere)n dem sull(e)n we vnd / will(e)n geue(n) vnd betale(n) dy vor=/gn(an)te(n) dryͤ schok Rente(n) vnd / plicht , wol thu danke i(n) aller / wise als vorgescreue(n) is . afft / sy alle dry leue(n)de(n) , wen den / der dryer lude vorgescreue(n) / nicht meir is , So sullin die / dryͤ schok g(roschen) qwid ledich vnd / los wesen gefallin vnd fallin / an vns(er) stad , doch alle dy wile / dat die vorgn(an)te er p(re)wenitz / leuͤet sal he van den dren / schocken neme(n) ij schok vnd and(er) ij schok sal gese vnd math(eus) / Reinekens neme(n) vnd heuͤen / des thuge is vnse g(ro)te Jng(esegel) / gehangen an dessin bryff / des dinstag(es) in den pingest(en) / [...] ccccj /