It(em) Bekenne wi Ratlude tu / Berlin allin lude(n) dat wi hebb(e)n / vorkoufft deme wisin peter / steindorp drye schok Beimisch(er) g(roschen) / diͤ wi em sullin geue(n) wol tu / danke vnd tu willin jerlich uppe / winachte(n) twile he leued vor / xl schok Bemisch(er) g(roschen) p(re)gisch(er) / mu(n)te dy vns dy selue(n) pet(er) / hed gantz vnd wol betalet vnd / dy xl schok hebbin wi witlichin / gewendet vnd gekeret jn vns(er) / stad nuͦt vnd frome(n) wen(n)e den / dy selue pet(er) steindorp nach / god(es) wille vorgeit des dodis / vnd synes nicht meir is . So / sulle(n) den(n)e dry schok / von den vorgescreue(n) veff schocken / Rente vnd plicht ledich qwit / vnd loͤs an vnse Rathus thu / Berlin fallin vnd gefallin syͤn / vnd dy and(ere)n twe schok von den / vorgescreue(n) vieff schocken dy / sulle(n) fallin vnd gefallin syn / an dy erlike frouwe pet(er) stein=/dorps muͤder vnd der selue(n) / frouwe(n) sulle(n) wi vnd willin / alle jar(e) geue(n) twe schok g(ro)schin / twile sy leuet vp dy vorge=//schreue(n) dage sund(er) vortoch vnd / sund(er) hindernisse als vorgescreue(n) / is wen(n)e den(n)e der erliken frouwe(n) / nicht meir is den(n)e / sullin ¹ dy dry vorge=/schreue(n) schok gefallin vnd ge=/fallin syͤn an vnse stad thu Berlin / qwid ledich vnd loͤs dat wy / Ratlude willin alle vorgesch(reuen) / stucken gantz vnd gar holde(n) / thu ende v(nd)e des thu orkunde / hebbin wi vns(er) stad Berlin groste / Ing(esegel) an dessin Brieff med Recht(er) / witschap late(n) henge(n) nach god(es) / gebort virteynhundert jar / darna in deme and(ere)n jare des / mandag(es) nach michael(is) /