It(em) Bekenne(n) wi Ratman(n)e thu / Berlin (et cetera) dat wiͤ hebbe(n) vor=/koufft vnd vorkope(n) med dissin / keginwordige(n) briue Recht vnd / Redelich den frome(n) lude(n) Jacob / kleinow syn(er) eilike(n) husfrouwe(n) / vnd syn(er) suste(re)n dry schok Bemisch(er) / g(roschen) p(re)gisch(er) mu(n)te vor xxx schok / g(roschen) der selue(n) p(re)gisch(er) mu(n)te dy / wi hebbin witlichen gewendet / vnd gekeret i(n) vns(er) stad nuͦt / vnd from(en) der selue(n) xxx schok / g(roschen) late(n) wiͤ den vorgescr(euen) lude(n) / ledich qwid vnd loͤs myd / dessin briue , dy selue(n) dry / schokg(roschen) willin vnd gloue(n) wy / den sulue(n) vorgescr(euen) lude(n) thu / geue(n)de vnd thu betalende wol / thu danke vnd thu wille sunder / alle vortoch vnd hind(er) alle jar / thu sunte Johans dage thu / mydde(n)somer alle dy wile der / dryer lude ennich ey(n) leuet / van vns(en) Rathuse thu Berlin / med soda(n) vnderscheit wenne / de(n)ne ey(n) sterffe nach godis / wille welk den lengest leuͤet / nach den and(ere)n dem sullen / wi vnd willin geue(n) vnd betale(n) / dy vorgescr(euen) dry schok Rente / vnd plicht wol thu danke in / aller wise als vorgesc(reuen) js / recht afft sy alle dry leue(n)de / wen(n) den(n)e der dryer lude keyn meir is So sullin dy / dry schok g(roschen) gefallin vnd ge=/fallin sin ledich qwid vnd / los [an] vnse Rathuse thu / Berlin des thu orkunde so / hebbin wy Ratlude thu Berlin / med Recht wischap vns(er) stad / groste Jng(esegel) an dessin Briff / lathe(n) hengin an(n)o d(o)m(ini) [...] / seque(n)ti die Joh(ann)is /