Allen den dy disssen mynen / briff sehen edder horen lezen / vnd besunde(re)n den Ersamen / wysen Rathe(rre)n tu Berlin dy / nu syn vnd(e) noch tukomende / syn in deme suluen rade Bu/kenne ik her pet(er) fredericcstorpp / mit dessin briue dat ik my / hebben ghegeue(n) vnd(e) geue mid ganczer craff[t] dessis bryffes in / deme houe vnd(e) den armen / luden tu Berlin . Jn deme heligen / geste tu eyne(m) vorstender vnd(e) / vorweser des suluen houes / alle dage twile ik leue vnuor/wandelt vnd(e) vnuorsettet von / ymande met al myne(n) gude(re)n / dy ik iczund hebbe vnd(e) noch / gewennen mach , nach dessen / daghe in eyger wysen vnd(e) wil / van stund an gereydes geldes met / my brengen jn deme houe xxiiii / schok g(roschen) Beimesches geldes vnd(e) / dar na tu dessen negesten wi/nachten xij schok beymescher / g(roschen) , dy ik alle schal vnd(e) wil ke/ren nach rade vnd(e) willen / der ersame(n) Rather(re)n tu B(er)lin / in des houes nuͮtte vnd frome(n) / Ok besunde(re)n so vor tye ik , vor/late vnd(e) vorgeue lucklyke / dorch god den armen lude in / den heligen geiste tu beterhun/ghe oren p(i)nen vir schok beẏ/mescher dẏ mẏ alle yar schul/dich syn dy ratheren tu Ber/lin van irme rathuze twile / ik leue vnd(e) wen ik vor ster/ue , so syn dẏ vir schok den / ratheren quid ledich vnd(e) los / vnd(e) alle myn ander gudir / sullen gancz eygen wesen / vnd(e) eywich blyuen in deme / hoffe , ok wyl ik dem rade / reken eyns jn deme yare / wen dy rat des van my begert / Ok schal ik vnd wil noch ey/gen p(er)nen jn deme hoffe ne/men noch enghe stede vor/kopen noch vorgeuen sun/dir wille vnd(e) witschap der / Rathe(re)n , ouk gheloue ik al/len dinst deme rade tu dun/de alze van alder wo(n)heit / is van deme houe , ydoch / so vor dragen my dy rat//heren ackers dorch ghebrekes vnd(e) dorch armudes wille des / houes jn dessen negesten dren / iaren vnd(e) dar na sal ik dat / holden nach irme rade , des tu tughe hebbe ik myn jnge/segel ghe hangen an dessen / briff datu(m) anno d(o)m(ini) m cccciiij / i(n) die donati /