1406-01-25

Vor allen guden luden di dessen / Briff sẏn odder horen lesen Bu/kenne wy Ratman(n)e der stad / olden Berlin olt vnd(e) Nye , vor / vns vnd(e) vnse Nakomelinge des / sulue(n) rades , dat wÿ met vor/bedachte(n) mude , eẏndrechlike(n) / vnd(e) witschap des sulue(n) rades / vorkoff[t] hebben vnd(e) vorkopen / recht vnd(e) redeliken met orkun/de des briffes der bescheden fro/wen gertrud stolten vn(de) ¹ kathe(r)inen / wilkens , Seste halff² viff³ schok g(roschen) p(re)gersche / mu(n)the yerlike renthe , dy in de/me lande genge syn , tu orre / twig(er) liue , dy wẏ em scholen vnd(e) / willen geue(n) von vns(er) stad Rat/hus tu Berlin alle yar vp vns(er) / liue(n) frouwe(n) dage tu lichtmysse / alse nuͦ ouer viff yar irsten / antugenen , vnd(e) den vort van / yare tu ẏare vp di vorgeschreue(n) / tijt , vnd(e) vor di sestehalff schok / yerliker renthen hebbe(n) syn vns / nuth vnd(e) tu danke gedan , met / ore(n) angestorffen erue von hans / wentlandes wegen dar wy den / vorgnanten frouwen met / flite tu gehulpen hebbe(n) jn tu/mane(n) , vnd(e) dar wẏ ouk den er/same(n) Rather(re)n von franken(vor)d/ hebbe(n) muthe(n) loue(n) vor eywige / ansprake , vnd(e) namanu(n)ghe , / vnde weret dat eyn mank den / twen vorstorffe so schole(n) di / sestehalffe schok sterue(n) an den / le[n]gestleuenden , vnd(e) wen di / vorgenante(n) frouwe(n) gertrud vnd(e) / kathe(r)ine doit syn so scholen / di sestehalff schok wedder / los sterue(n) an vns(er) stad Rathus , / dat wÿ alle desse vorgeschreue(n) / stucke(n) vaste vnd(e) stede holde(n) / wille(n) , so hebbe wy vns(er) stad / g(ro)ste Jng(esegel) gehange(n) an dessen / briff , datu(m) Anno mo ccccvjo / i(n) die pauli c(on)u(er)si(onis) //

1406-09-22

[...] marga(r)ita frederyk , vnd(e) / henryk [fili(us) e(us)] , dy hebben gelouet deme rade [...] sy nẏmermer / dar vme saken wille(n) , tu vchte(n)=/hagen vnde syne(n) medehelp(er)e / dat sÿ nicht darvme saken wille(n) / dat or sone hans . knuͦttels / knecht wart geslagen vp der / oder Anno d(o)m(ini) mo ccccvj / i(n) die mauritij , (et cetera) /