Wet(et) meynen vnd(e) werken tun , Berlin dat my is tu herende geworden / dat Juke Borg(er)meste(re) dyͤ dar med schanden fluͤchtich worden ut Juw(er) Stad / Jw scholden gescre(uen) hebben dat Jck en scholde en floͤen hebben ua(n) me daghe / dar lyͤghen syͤ alz meynedige kortzen schelke Jck en hadde tu francke(n)uorde med / en nene dage nome(n) dar Jck en ua(n) entflyen mochte ock en was jck dar / vm(m)e nenredage willen hen syͤ sendeden wol lude tu mẏ denne wolde Jck myme / saken sin gebleue(n) by deme Bischop ua(n) luͤbbus vnd(e) by h(ern) waldowen / des sendeden syͤ na deme bischoppe dat sulue dede Jck ock vnd(e) Jck moste / des ma(n)dages tuͮr woltzow wes(en) Jeg(e)n des h(er)toge(n) ma(nn)e ua(n) sassen alz dat des / sonauendes schach , hedde mi dyͤ bischop dargekome(n) dat we(re) my lyff ghe/west Doch beful Jck my(n) duͦnt ander luͤden vnd(e) lyͤd myne(n) scr(eu)er dar na deme antw(or)de / latge(n) we(n)t dat dyͤ he(rre)n hen up hen reden des syͤ my suͤlue(n) bekenne(n) muͤten / hedden syͤ vns kone(n) entscheiden dat hedde Jck g(er)ne gesyen wen wy dar / med schanden fluchtich geworden is dat moge(n) syͤ bes(seren) vnd(e) dat syͤ my dat / ou(er) sc(re)uen dat lyge(n) syͤ alz kortzen soͤns Sc(re)ue(n) vnd(er) myne(m) Jng(esegele) / Dyde(r)ick ua(n) Ginckow /