Wet(et) Ratma(n)ne ab gy sc(re)ue(n) dat gededing(et) is dat ick / med jw in guder fru(n)tschap sitten schal wat dar gededing(et) / is dat wet ick ock wolmede wen dat w(er)t my nenreleie / wis ua(n) jw so geholden alze it geding(et) wart Ock alz gy / sc(re)ue(n) dat ick jw sulue(n) loue(n) gesecht hebbe dat en is / nicht ick en hebbe jw nicht(es) nicht gesecht vnd(e) kan / jw dar wol ouer straffen alzeme vnendelke luͤde straffen / schal dyͤ dy vnendelke dinck sc(re)ue(n) wen kunde ick des / juwe(n) wl vele krjge(n) dat wolde ick med ere(n) wol behalden / Sc(re)ue(n) vnd(er) myn jng(esigel) / Dyde(r)ick ua(n) Quichow /