Vor alle di dessen Briff sin odder horen lesen Bekenne wy her Jacob tughow thu deme / male eyn deken , her Johan lichtenberch als eyn kemerrer , vnd wy gemeyne here(n) vnde / bruder geisteliken vnd wertliken , des kalandes tu Berlin , vor vns vnd vor alle / vnse nakomelinge , des suluen kalandes , dat vns die Ersame(n) vorsichtige(n) Burg(er)/meiste(re) vnd Rathe(re)n der stad Berlin , wol tu dancke betalet vnde vornuͦget hebbe(n) / virvndeseuentich schock beẏmischer g(ro)schen pregerscher mu(n)te , der wy em quid , ledich / vnde losz laten mit kraffte des briffes , vor di yerlike rente vnd rechticheit , di wẏ / gehat hebbe(n) , vp die See tu stralow , vnd up die stofe di nuͦ besittet henzel beder so / dat wy gantz vorlaten hebben vnd vorlaten mit kraffte des briffes , vor vns vnd / vor alle vnse nakomelinge des sulue(n) vorgnante(n) kalandes , di obgnante tynse , vnd / yerliker renten , vnd rechticheit , der see vnd stofen als vp geschreue(n) , steit , vnde / wyllen em der latunge vnd kope eyn gewer sin , destu eyner kentnẏsse dat wy dat / stede vnd feste holden willen ane arch so hebbe wy vns(e)s kalandes Camer Jnge/sigel witliken an [dess]en briff laten hangen Gegeuen tu Berlin na Cristis gebort / virteynhundert vnd [in] dem negenteynden yare des sundag(es) na sunthe pauwels / dage siner bekerun[ge]