Jk Gherd van wusstrowe Beke(n)ne vor allesweme openbare tugende dat ik vor mẏ vnde vor myne / erue(n) guͦnstigen hebbe belegen vn(de) belyge to rechter lifftucht , de eerligen frowe Mechilde Gyse / brewitzen eelige husfrowe , myt dussen nabescreue(ne)n gude(re)n vnde renten , besittere dusser na=/screue(ne)n houͦe Jn dem dorpe to zeben belegen Nemelken Jn gerken eluers houe veervntwintig / schilli(n)g(e) pe(n)ny(n)ge , Jn wichmans houe vervntwintig schilli(n)g(e) pe(nnynge) Jn heyne lachgen vervntwintig / schilli(n)g(e) Jn Claws karssowe(n) houe veervntwintig schill(inge) , Jn Merten schulten houe achte schilli(n)g(e) / pen(nynge) Jn Bussen schulten houe , achte schill(inge) pen(nynge) Jn henneken verbeynen houe veervntwintig schill(inge) / Jn hans saremans houe achte schill(inge) Jn heyne lachgen cosseters erue achte schill(inge) pen(nynge) vnde Jn / he(n)neke moneken houe seuenteyn schillinge pe(n)ny(n)ge Dusse vorberuͦrden gudere vnde renten / schal ze gebruken Jn geweren hebbe(n) vn(de) beholden , de tijd eres gantzen leue(n)des vngehindert / sunder jema(n)des weddersprake , So , alse vor mẏ Cone , her dyderk , vnde gise geheten de / brewitzen sulke vorbenomede gude(re) vnde rente eer to gude vp gelaten , de in leens weren / beseten hebben , vnde geue eer dar to mynen beleenden maͤn diderige chuden to ene(n) Jnwiser / De ze dar an , vnde Jn wisen schal va(n) mynes hetes wegen , des ik so van em begere To / orkunde is my(n) jngesegel witligen gehenget an dussen mynen breff Geue(n) na der bord / (jhesu) (christi) veerteynhundert Jn dem drevndveertigesten iare , des du(n)nerdag(es) vor mydvassten /