Vor allen frame(n) luden die dessen vnnsen apen Briff syͤn add(er) hor(e)n leszin Besund(e)rn vor Juw / vorsichtigh(e)n Mest(e)rn old(er)lude vnde gemeyne Brude(re)s Des werkes vnde Gulde der / knakenhaw(er) vnnser Stad Spanndo Bekenne wie Borg(er)mest(e)re vnnde Rathma(n)ne der / Ergnante(n) Stad Dat vor vns kome(n) synt drie olt Seite(n) Des dorppes Schone(n)[...] / Alze neymlich Arnth Tubbike pet(er) mo(n)nick vnde lawrent(us) Bodeker vnnde habb(e)n / gesat [...] Jn Edes Staͤd mith will(e)n Bekant syn ab das noth vnde / Behuff worde syn dat pet(er) Ru(n)dmu(n)th eg(ner) desses Briues Echte vnde Recht von alle / [synen] vier anen duͤtz vnde nicht wendisch(er) arth syn vnde nicht eigh(e)n gebor(e)n isz vnde / syne old(e)rn Bie on fromme vnde Erlich alze frame(n) luden wol temet gehalden habb(e)n / Auch vonn dem Ergnant(e)n pet(er) Ru(n)tmuth thu male nicht arges darfar(e)n habb(e)n dat / om an Ere add(er) guden geruchte Schedeli[ch] magk wesin Jng(er)leige wisz hirv(m)mbe / vorgnant(e)n Borg(er)mest(e)re vnnde Rathmanne Der Ergnant(e)n Stad Spandow [...] / lude Sunderlich(e)n Doch Juv vorsichtigh(e)n meste(re)n olderlude vnde gemeyne Broder(e)s des / werkes vnde Gulde der knakenhaw(er) Dat ghie dem Ergnant(e)n pet(er) ru(n)tmuth / Gunst fruntschafft vnde guden will(e)n Bewyͤsen vnde Staden oͤm thu juw mergen[ante] / Jnni(n)ge die he denne nv dath maͤl von juw beger(e)n ist So dat he syner Erlik(e)n / Gebort vnde vnser fruntlich(e)n Beide hirnha moge genyͤt(e)n vordine wie mith [...] / vnns(er) Juw gerne Datum vnnd(er) vnsem Jngesegel am Sonnhawende vor Joha[nnis] / Anno d(o)m(ini) mº (et cetera) lxvjº