Vor all(e)nn vnnd(e) Jslig(e)nn Christen menszch(e)nn dy dessz(e)nn mynen apen brief sehen [... Bekenne] ¹ / ick Mattis honow uor my vnnd(e) myne erfen datt ick mith fryen eig(e)nn wolbodacht(e)nn will(e)nn vnnd(e) mvde / den Erszame(n) wolwisz(e)nn Rade vnd(e) gantzer statt Spandow uorkoft hebbe myn erfe vnnd lehen szo ick datt jnn / dem(e) dorpe Schonow van myne(n) auͮerold(e)rn vnd(e) vader van dem(e) Erszamen Rade uor pant tho livlene gehatt / vnd(e) entfang(e)n hebbe van weg(e)nn desz hilgengeistes dar(e) szelbest geleg(e)nn Alsze nemelig eyne(n) hof Jn den gnant(e)n dorpe / mith all(e)r gnad(e)nn fryheid(e)nn vnd(e) gerechtigheid(e)nn auerszte vnnd(e) [...] dinst nicht bwth(e)nn boslat(e)nn vnd(e) dar tho / mith den szelftig(e)nn hof mith vier hwfen vnnd(e) suͮsz noch vierdehalue hwfe dy denne sich gbrwk(e)nn vnnsz(e)s gnedige(n) / herr(e)n van Brand(e)nnburgh vnndrszate(n) dar(e) szelbest Jn dem(e) dorpe Schonow der uorgedachte myn hof mith den vier / hwfen itzund(e)r boszitter Peter Molner Marcus wendall twe hwfen Jurgen wendal eyne hwfe Teues Marcus / eyne halue hwfe Jslige hwfe geft alle Jar tho pachte szosz Schepell rogg(e)nn vnnd(e) achtehaluen Schepel hauer(e)n vnnd(e) / iszlige geft ock Szauende(n)haluen grosch(e)n tynsz vthgenhamen Teues markes geft mhan van der halue(n) hwfe / achtehalue(n) Schepel hauer(e)n vnnd(e) Szauende(n)halue(n) groszch(e)nn tynsz Dy uorgdachte peter molner geft ock dem(e) Rade / all(e)nn fleysz teget twe rockhwur(e) vnnd(e) den dinst wen ehn eyn Rate hoget vnd(e) sydet Sulch uorbostympde achtehalue(n) / hwfe uorkope ick dem(e) Rade alszo fry fredelig whu uor(e) borurth vthgname(n) datt myn gnedig(e)r herr(e) van Brand(e)nnburgh / adir syne(n) gnade(n) fagede(n) szoll(e)nn lath(e)nn heuͮen up dy gwder(e) war sy up gewesz(e)nn werd(e)nn eyn halb schock ahn gelde / vnd(e) Szosz schepel hauer(e)nvnd(e) Jck uorgdachte Mattis honow rede uor my vnd(e) myne rechte erfen dem(e) Rade uorgdacht / adir der statt Spandow sulchs uorgdacht gwdt eyn stede vaste gewer vnd(e) bosüerunge dar up irkenne(n) adir / finden worde vor(e) datt szelftigk uorgedacht gwdt hat my dy Erszame Ratt wol to genuͮge vnd(e) to dancke uorgegeue(n) / Szauen vnd(e) achtentig schock ahn Brand(e)nnburgesche lantweru(n)ge vnnd(e) szegge ehn van my vnd(e) myne(n) rechte(n) erfen / sulch(e)r botalunge qwiedt vnnd(e) losz vnd(e) uorlathe dattszelftige borurde gwdt uor(e) my vnd(e) myne erfen alle gerecht/tigheidt fryheid(e)nn vnnd(e) alles wes ick dar ahn gehatt hebbe nicht bwth(e)n boslate(n) Alszo datt eyn Ratt adir dy / gdachte statt Spandow sich des szelftig(e)nn moge(n) gebrwke(n) nha aller nuth vnnd(e) framen uor(e) my vnd(e) myne(n) rechte(n) / erfen vnnd(e) uor(e) eyn Jderman vnuorhindert ewichlig tobohold(e)nn vnd(e) dar mith dwhn vnd(e) lathen wes sy / will(e)nn Desz tho orkunth vnd(e) warer bokantnissze hebbe ick eergdachte mattis honow uor(e) my vnd(e) myne / rechte erfen myn Jngeszegell vnd(e)r ahn dessz(e)nn brief laten henge(n) vnd(e) gegeue(n) tho Spandow am(me) unschuldigen / kind(e)r daghe [...] Nha christj vns(e)rs herr(e)n gborth Dwszenth [...] Jn dem(e) viefhund(e)rszten jar /