De molendinis ... (etc.) / In godes namen ame(n) . Lodewich von god(es) gnaden marcg(re)=/ue tu Brandeburch vnd(e) tu lusitz . Palantzgreue by mẏ / Ryne . Hertoge tu Beyern . des hiligin rẏkes Ertzschkemer(er) , / Syne(n) lyuen getruwen Ratma(n)nen vnde gemeyne(n) bor=/geren . der alden stad tu Brandeb(urch) di dar nuͤ Jege(n)wordich / sint , vnde noch tukomende sint , . syne genade vnd(e) tu ey=/nir ewẏgen dechtnisse . desser na schreue(n) dinck , Nach den // male dat vnse plegelike andacht , van plichtes wege(n) / schal wesen tu merende vnde tu bredende den vroͤm / vnsir vndersaten . vnses forsten [dit mes] vnde oren / schaden tu werende , So sy wÿ des begere(n)de by Jw , al=/len met begeruͤnge in en vnse gunst nuͦtsamech=/like mede tudelende . also lutterlike alse ir vorschre=/ue(n)de truwe sẏ beuelet bẏ vns von Ju beweset is . / hebbe wẏ angesyͤn met gutliken angesichte vnd(e) synt , / tu Rade geworden Ju tuhulpe tukome(n)de met soda=/nir nuͦtsamicheit , vnde gnade . dat wy Ju vnd(e) iuwe(n) / nakomelinghen . vnde vns(er) alden stad tu Brandeb(ur)g / dar vnsen forstendom heft angetoge(n) ey(n) orsspru(n)k / vnde dar wẏ ouk ane hebbe(n) . dat ambacht der ertz=/schẏnkemerẏe des hiligen rykes . so dat wẏ heyte(n) / eyn korforste des rẏkes . vnd(e) sẏ des naͤmelike(n) eẏn / wortel . vnde eyn begin . dẏ dar ok is getzyret loue=/liken vnde werdichliken mit deme stule des bischop=/duͤmes tu Brandeburch , hebben gegeue(n) vnd(e) geue(n) / Jege(n)wordichliken . dat egenduͤm vnde dat erue der / molen dy dar ligghen vp dem alden da(m)me by vns(er) / vorgesproken stad tu alden Brandeb(urch) met deme / da(m)me vnd(e) met des da(m)mes hogeste vnd(e) sydeste / gerichte mit aller nuͤt pacht vnde frucht dy dar=/ane komen mogen , Vortmer so wil wẏ dat dy bure / al der dorp . dy by der tyd vnser voruaren der marc=/greue(n) tu Brandeburch guder dechtnẏsse dẏ sin ge=/weset tu der makynge des da(m)mes solen dar tu / blyue(n) den vorsproken dam tu rodende gentzlike(n) / wedder tumaken . alse des noid is . dat dar engeyn / fericheit ane kome , vnde ok alse dẏ vrẏheit vorge=/geuen is . von vnsen voruaren , Vortmer so lye wẏ // vnde geue(n) Jw vryelike tu eygene den seͤ . dy dar is / tuschen vnse vorsproken stad vnde dẏ dorp dẏ / dar heyte(n) Rywant vnde bogow , di dar vlyte(n)de / is met allen andern wate(en) bẏ vnser stad boue(n) / vnde beneden . aller wegen dẏ dar tuvlyte(n)de sẏn / Alse Claw(es) von den Bone vnd(e) syne(n) vedde(re)n den / seͤ gehat tubesittende . so schal en hebbe(n) vnse / vorschreue(n) stad met vuller vryheit , vnde met / gantzer vulkomenicheit , . des hogeste(n) vnde sydeste(n) / gerichtes , Vnde dẏ vntschedinge der vorsproken / water(er) is . wente in den vlyte dat dar heyt Witz=/mok . vn(de) vortmer geyt it in dẏ vlyte dẏ dar / heyte(n) plawer water . Vp dat desse vorsproke(n) gaue(n) / tu allen tyden Ju moge(n) blyue(n) vn(de) vnser vorsproke(n) / stad dẏ dar is als eyn houet , ander stede dẏ synt / alse ledemate moge wesen tugeue(n)de wẏse vnde re=/delike tu leuende , alse sy von alder wonheyt gegeue(n) / het , . dat dat also blyue ewyge tyd stede vn(de) vnge=/seryget , vnde dat von vns oder von ymande vnser / nakomelinge vnde ok von enghen vnsen ambacht / luden desse vorbenuͤmde gaue(n) engeyne wyͤs hir / namals werden vererret , So hebbe wẏ dessen / bryff . dar up gegeue(n) vnde hebbe(n) den geheyte(n) stedych=/liken beuesten met der vestinghe vnses Jngesegel(en) / Tu tuge desser vorschreue(n) dynck dy dar tu gerupe(n) / sint vnde sunderliken gebeden , dat is di beschonly=/ke man Er Bartold vn(de) heynrik syn sone greue(n) / von Hẏnnemberch , dy edel lude Hinrik von Swer=/tzeborch . vnde Gunter von lyndo Greue(n) vnde dy / erbar man Er Segher prouest tu Steyndal vnses / houes hochiste schrẏuer Gerard von kerkow vnde / Bartold von Buͤtz vnse rẏdde(re)r met vele ande(re)n // luden dy des werdich sin gewesen , Gegeuen tu / Brandeburch na godes bort , dusent Jar drẏhuͤn=/dert Jar , in deme vir vnde twintichsten Jare an deͤm / Auende Sunte Matthẏes des Apostels. / Per man(um) herma(n)ni de Luckow /