Wiͤ hinrik von barbẏ von der genade godes h(er)re gekore(n) / tuͦ dem Bisscopdum tuͦ Brand(enburg) Bekenne(n) in dessen iege(n)/wardigen bryue(n) , vnde loue(n) mit gantze(n) truͦwe(n) , dat wiͤ / mit wille(n) guͦnne(n) scole(n) deme proueste vnde deme ca=/pittule tuͦ B(ra)nd(enburg) , al ires gudes rechtes richtes wonheit / vnde vriheit geistlikes vnde wertlikes , dat siͤ . hebbe(n) / vnde gehat hebbe(n) , by vnsen , vnde irer voruarn tẏden / vnde scole(n) vs , noch vnse ambacht lude , vnde vogedẏe / mit iren gude vnde richte nicht bewerren , noch des / vnderwinden , vnde scolen ire recht , vnde ires godshus(es) / beteren vnde nicht ergere(n) , [...]iͦch ¹ en scole wiͤ diͤ vesten // vnde guͦt des bischopdumes nicht vorkopen , vor wis=/len noch verandere(n) dat en siͤ des capittels wille , wiͤ / scole(n) och nene vogede noch houetlude setten den voste(n) / des godshus(es) , siͤ en loue(n) biͤ eren truͦwe(n) na vsem dode / diͤ veste(n) , deme capittel vnbeworre(n) wedder tuͦ antw(er)dene / vnde sunder argelist , Jst dat wiͤ enen voget vntsette(n) / diͤ voget en scal der vesten deme vorbenuͦmeden capittele / tuͦ gude nicht [verrien] , dat selue capittel siͤ . des von / deme andere(n) voghede , so wis gemaket mit truͦwe=/gelouede , so diͤ andere voget vore gedan hadde , wiͤ / scole(n) oͤch alle redelike schulde vser voruarn tuͦ vz neme(n) / Js dat daz capittel ennege cost dorch vser berupunge / oder dorch andere vse sake drage(n) scal , diͦ cost scole wiͤ / halfdrage(n) , vnde gelden , vnde dat capittel halff gelde(n) / vppe su sohedane² vorsprokene dedinge scole wiͤ late(n) / ledich vnde los , den prouest , vnde hern kerstiane , / vn(de) wedersenden tuͦ brandenburg mit irer haue , oͤch / neme wiͤ tuͦ genaden , vndetuͦ hulden , dat capittel / diͤ pape(n) gemeẏne , vn(de) sunderlik hern euernharde pro=/uest tuͦ Berlin , hern dẏderiche von dalche hern Jane / von megedeborch , vnde alle diͤ vordacht van vz sin / gewesin , vn(de) vertiͦen alles vnwillen wedder(e) siͤ alle / wiͤ en scole(n) oͤch dẏ vorbenuͦmeden h(er)re(n) na desser tijt / nicht anuerdige(n) , noch ir guͦt noch ir lude nochney=/nerleie wis . vns an siͤ irvan , wiͤ en hebbe(n) siͤ aller=/irst vor den markgreue(n) beschuldiget , vnde tuͦ antw(er)=/de late(n) kome(n) , diͤ siͤ tuͦ Rechte bescherme(n) scal , vnde bo=/sundere(n) rechtes tuͦuordedinghe(n) , in sẏne(n) vreden het / genome(n) , Desser vorsproken rede sint tuge marg=/greue Lodewich von b(ra)nd(enburg) Greue bartholt vo(n) hen=/nenb(er)gh Greue bussow , van mansuolt , her hoẏer / van vredeberch , her seger prouest tuͦ Tang(er)mu(n)de(n) / her h(er)man van luchow , her cunrat crusemarch / deken tuͦ Lobus , her h(er)ma(n) van arneborch , vnde // her marchwart van bardeleue vppe eẏne Rechte stetich=/eit desser dinghe , so hebbe wiͤ . vnsze Jngesegel gege=/ue(n) tuͦ desseme brẏue dẏ iz gescreue(n) in aller apostel / dage na godes bort dusent iar drihundert iar Jn / deme souentwintichsten iare , /