Wie her Diderik proest van der genaden godis philippus // prior vnde dat capittel des godeshuses tuͦ Brandenburg , / v(m)me alle schelinge diͤ wiͤ hebbe(n) tuͦ den irsten male iege(n) / peter godeschalk schulteten , vnde alle andere bure ghe=/menlike , vnde sunderlike des dorpes tuͦ crucewitz / bẏ der hoenwarde , v(m)me dat siͤ mit selfrechte gewape(n)der / hant , droue(n) ire vehe vppe eẏn stucke landes , dat lecht / bẏnne(n) der marke vses dorpes sarringe tuͦ der(e) luchte(n) / hant buten den gemeẏne(n) wege , soman wandert / van B(ra)nd(enburg) tuͦ Spandowe , dat van vnser wegene mẏt / hauoren was geseget , vnde stone vp gegan , vnde treddede(n) / diͤ sat , vnde vretteden , vnde makeden siͤ vns tuͦ male / tonichte , vnde schadeden vns dar an , dat wẏ vp eẏne mark / siluers reken , Vnse andere schelinge iz v(m)me vnrecht / smaheit , vnde mishandelinge diͤ siͤ beghinghe(n) in der / tiͤjt do siͤ mit irme vee vse sath tonichte makeden , / an he(r)n koten hern knouele , vnde andere vse h(er)ren , vn(de) / ouch an vsen gesinde diͤ siͤ wolden panden , vp eyn recht / v(m)me dat vorsproke(n) vnrecht , Do wereden siͤ ẏm mit / gewalt dẏ pandinghe , vnde spreken ym tuͦ vntheme=/like wort , vnde droeden siͤ . tuͦ slaende , tuͦ wu[n]dene dar / siͤ v(m)me muͦchte sin worden laam , vnde liueloes , dat / achte wy vppe veftich mark B(ra)nd(enburges) siluers , vnde wolde(n) / dat dar v(m)me vngerne hebbe(n) geleden , Vnse virde sche=/linge iz v(m)me Sesteẏn mark b(ra)ndenburges siluers , diͤ . / wiͤ hebbe(n) verdan iege(n) siͤ in der sake , diͤ wi v(m)me desse / vorsprokene stucken gehaddet hebbe(n) , wol vifvirndel / iares , vor hern hinrike proest tuͦ berlin , Tuͦ alle dessen / stucken kẏse wi hern volprechte priore tuͦ Lennẏn / tuͦ eẏne vntscheide(re) , wiͤ peter godescalk schultete , vnde / alle gebure ghemeẏnlike , vnde sunderlike des dorpes / tuͦ crucewiz , biͤ der hoemwarden , v(m)me schelinge diͤ . / wi hebbe(n) , weder hern dẏderike proste , philipp(us) p(ri)ore / vnde dat capittel des godeshus(es) tuͦ B(ra)nd(enburg) , v(m)me erue / eẏnes stucke landes , dat lecht bynne(n) vser marke to // crutzewiz , tuͦ der luchten hant bute(n) den ghemeẏne(n) wege / so ma(n) wandert van Brand(enburg) tuͦ Spandow dat diͤ proest / vnde diͤ h(er)re(n) des godeshus(es) tuͦ Brand(enburg) , hebbe(n) vse vorbenuͦ=/mede lant geackert , mit vrer eẏgene pluch mit gewalt / den wẏ ẏworlde gehaddet hebbe(n) , vn(de) vse voruaren in / vsen nuͦtliken were(n) , an allerleie redelike ansprake , / also dat siͤ nẏ rechtes van vns begerden , noch geistlike / noch wertlike , des wiͤ nicht wolden hebbe(n) geleden / v(m)me veftich mark siluers B(ra)nd(enburges) vnde gewichte Vse / ander schelinge iz , dat wi var alle tijt hadden , dat / siͤ dat lant mer ackere(n) solden , mit gewalt alse siͤ . / vor hadden gedan , vnde musten des warden dicke vn(de) / vil , dar na de wi vor hinde(r)t worden dicke an vsen arbeẏde / den scaden reyde wiͤ vp ses mark B(ra)ndenburg(es) sil=/uers , Vse dridde schelinge iz , dat vz tuͦ wetene wart , / dat diͤ . proest , vnde diͤ h(er)re(n) van der borch , vse lant / auer mit gewalt ackere(n) wolden , alse siͤ vor hadden / gedan , des warde wẏ wente siͤ quemen , vp dat lant / dar wi(e)¹ . yegenwordich were(n) , vnde wolden dar vse vee / van vsen lande mit gewalt roflike hebbe(n) gedreue(n) / so dat siͤ nẏ rechtes noch geistlike noch wertlike an / vs besuͦnnen , vnde ẏo wẏ vz nẏ rechtes geweẏgden , / dat selfrecht vnde smaheit vnde gewalt , diͤ vns dar / an geschin iz , wolde wi(e)¹ . nicht hebbe(n) geleden , v(m)me / sestich mark b(ra)ndenburg(es) siluers vn(de) gewichte , Vse / virde schelinge iz , v(m)me eẏner mark myn , wa(n) drittich / B(ra)ndenburg(es) siluers , diͤ wiͤ . hebbe(n) vor dan iege(n) diͤ vor / benuͦmeden h(er)re(n) , in der sake dẏ wẏ hebbe(n) gehaddet / wol vif virdel iares weder ẏm , vor he(r)n hinrike pro=/este tuͦ Berlin , dar siͤ . vns hen luden , dar wi dicke / swerliken musten hen lopen , vnde versumen dat / vnse , Tuͦ alle dessen stucken kẏse wi bruder jane ka=/lenberge , ridermeyster tuͦ Lennẏn tuͦ eẏme entscheidere // vnde geue(n) von vnszer beider wegene en twen gantze / macht vse recht dat , wi an beiden siden an deme Lande / dat vorbenuͦmet iz hebbe(n) tuͦ eruarene , vn(de) diͤ vorbe=/nuͦmede sake tuschen hir vnde sunthe wolborgen dage , / eẏndrechtichlike tuͦ vntscheidene , Ginge siͤ . beide , oder / irer eẏn af vor desser tijt , oder worden siͤ an der sche=/du(n)ge mit sake gehindert , so mute wi wol an beiden / siden , oder welk vseme des mer not iz , kẏsen eẏnen / andere(n) , an syner stede , deden siͤ . denne des nicht , So / kẏse wiͤ jetuͦ nuͦ an beiden siden , eẏndrechtliken vsen / h(er)re(n) Bisscop Ludewige van B(ra)nd(enburg) tuͦ eyme ouermanne / vser beider recht , vser vorbenuͦmeden sake tuͦ eruare(n)ne / vnde bẏnne(n) der tijt vnde suͦnthe Joh(ann)es dage tuͦ ent=/schedenne , Des loue wẏ an beiden siden , vser eẏn / den andere(n) , bẏ vorlust vser iegenwordiger sake , vn(de) / dar tuͦ bẏ sestich marke(n) B(ra)nd(enburges) siluers vnde , gewichtes / dy vntschedinge , dẏ vns diͤ irste twe , bynne(n) irer tijt / spreke(n) , oder vse ouerma(n) bynne(n) sẏner tijt spreket , gans / vnde stede ewiliken tuͦ halden , Swelk vser diͤ . vntsche=/dinge breket tuͦ male , oder an eẏme stucke , dy sal / sẏne sake hebbe(n) verloren , vn(de) den andere(n) bẏnnen / vir weke(n) dar na boreyden sestich mark B(ra)nd(enburges) siluers / vnde gewichte Dar tuͦ sal en dwinge(n) , mit geistlike(n) / dwange , der Bisscop tuͦ b(ra)nd(enburg) , vse vorbenuͦmede h(er)re , / Tuͦ betughinge alle desser vorsproke(n) stuͦcke , hebbe / wi gegeuen Jn Sunthe Gregori(us) daghe , na godes / bort dusent iar , drihundert iar, an deme vir vn(de) / virtichsten iare , dessen briff mit der nyen stad / tuͦ B(ra)nd(enburg) Jngesegel , we(n) wiͤ . vorbenuͦmode buͤr selue(n) / geyn(e) Jngesegel hadden noch en hebbe(n) /