Witliken sy allen dy dusse tiegenwordige scrifte [a] ¹ ansihn Dat Wy Otto vnde Hen(n)ing vnde ok Gerardus / veddere vnde brodere geheiten bart (?) dynre meth vnsen eyndrechtigen rade vnde vulbort hebbe wy vorkoft / vnde meth dussen tiegenwordigen scriften bekenne wy den kopp vnde vulborden , den wisen mennen knakenhoweres / der Nien stad Brandeborg to deme altare Santh Anthonij in der kerken Santh Katherine der suluen / stad gelegen vir stucken Jerlike renthe to ewigen tyden to geuende meth dren scepel haueren , von den / stucken anderhalf stucke in deme dorppe Markede vpp deme hofe he(n)ning groten twe stucken in deme / dorppe zcestow vpp deme hofe Gereke langen Negen scepel roggen vnde so vele haueren in deme dorppe / Buchow vpp der husen Claus geheiten [sita] sunt deme suluen alta[re] to ewigen tijden ruweliken vnde ane / alle hinder tohorende Ok desse guder desser vorgescreuen renthen dessen vorgenomeden knakenhoweren / vor den grotdonden fursten ludwico Marggreuen to Brand(eborg) herren vnsen heren meth eyndracht wedde ² my ² vorca[...]en / vnsen heren den [edele] ¹ edelen Marggreuen vorgenomet , to ewiger salicheit syner selen vnde syner / furfaren vnde nakomelingen gnedichliken to donde , desse vorgescreuen renthe deme vorbenomeden altare / , to vorsakende alles rechtes vnde clage [dy] ² em odir , [eren synen] ² nakomelingen [dy] ² mogen behoren meth frie willen heft / voreygent , vnde ok oft ennyge ansproke vnde hinder von myne in tokumftigen tijden gescheg[e]den / vorbenomeden knakenhoweren in dessen vorgescreuen renthen dār vor wil wy stan vnde holden [..] ³ / ane scaden , vnde waraftige werelude to wesende vorbinde wy vn¹ vns vnde willen vnde scolen alse wy by / von rechte plichtich syn der vorbenomeden guder vnde renthe , dat wy vulborden vnde lauen meth / sampden ² gevolden henden meth dessen tiegenwordigen scriften vpp alle dy vorgescreuen artikel , Jnder aller artikel / bewislik tuchnisse [vnsse] ¹ vnse Jngesegele hebbe wy hir an gehan[ge]n Bemaket vnde gegeuen [...] / Na go[des gebort ⁴ ] dusent drihundert Jndeme seuen vnde virtichsten Jare Am Middeweke vor Johanns / Baptis[t] /