Jn ghodes name(n) amen wy ratmanne von beyden steyden to brande(n)borich / vn(de) wy ratmanne van nawen be kennen in disseme breue dat wy / vns hebben vor eyneghet vn(de) uor bunden by eyneme heren to bly/uende war wy von brandenborich bliuen . vn(de) vser eẏn den andere(n) / alle sines rechtes to uor dedi(n)ghen vn(de) alle des ym noyt is . vort mer we/ret dat disser stede yenich ghe dru(n)gen worde also dat sy volkes / be doriffte so scolden en de anderen vollyck senden . den . den dat / vollick ghesent wert de scoͮllen ym vor scaden stan vn(de) scolen / si be kosteghen . to eyner waren be tughe(n)ige alle disser vor be/nomeden di(n)g so sint vses grote i(n)gheseghele hir an ghehangen disse / breyf is ghe gheue(n) na ghodes bort drytteynhundert jar jn de/me achte vn(de) uertighesten jare des anderen daghes na suntte lau/rencies des heylen mertelleres in deme rathus beyder steyde / [to brandenborich]