Jk Ebel pritzerwe borgher inder olden stat tu brandenborch . Bekenne indessen open bryue vor / allen dy en syn eddir horen lesen . dat dy Erbar herre her dyderik dalcho prost tu brandenborch . hefft / my gelegen vnd(e) lyet indessen bryue tu me rechten leyne . achtehalff punt brandeborscher pen=/nynghe in des capittels tu brandeborch hauelen vnd(e) Trebower seͤ . vp tu boren alle iar . dy helfft / vp sunte mertens dage des hiligen bichteger(s) . dy ander helfft vp vnser vruwen dage lichtmisse / vnde hefft dy vorschreuen achtehalff punt pennynghe . gelegen vnd(e) lyet indessen bryue . tzacharyen / myner Eliken husvruwen tu erme rechten lyffgedinghe . vnde hefft des ge gheue(n) Ebel schulten / borgher inder vorbenumeden olden stat tu brandenborch tu eyme Jnwyser . Hyr sint by ghewesen / tu tuͦghe desse vorsichtigen manne . Cune homborch . hennygh homborch . Jan lantyn . hans slantyn / vnd(e) heyne appelman borghere inder vorschreue(n) olden stat tu brandenborch . Tu orkunde vnd(e) tu tughe / hebbe ik Ebel pritzerwe vorbenumet . myn Jngesegele laten hanghen an dessen bryff . dy gegheuen / is vpper borch tu brandenborch . Jn den Jaren goddis dusent iar dryhundirt iar dar na indeme eyn / vnd(e) veftigestin iare an sunte wolborghen daghe /