Wy dyderik dalcho van goddis gnaden prost tu brandenborch Bekennen indessen open bryue vor allen dy en / syn oddir horen lesen . dat wy hebben gelegen vnd(e) lyen indessen bryue . deme wysen manne Ebele pritzerwen / borgher inder olden stat tu brandenborch tu me rechten leyn . achtehalff punt brandeborscher pennynghe in / des cappittels tu brandeborch hauelen vnd(e) Trebower seͤ . vp tu boren alle iar . dy helfft vp sunte mertens dach / des hiligen bychteger(s) . vnd(e) dy ander helfft vp vnser vruͦwen daghe lichtmisse . vnd(e) hebben dy vorschreue(n) achte=/halff punt pennynghe . gelegen vnd(e) lyen in dessen bryue . der erliken vruwen tzacharien syner eliken husvru=/wen tu erme rechten lyffgedinghe . vnde gheuen en des Ebel schulten borgher inder vorbenumeden olden stat / tu brandenborch tu eyme Jnwyser . Hyr sint by ghewesen tu tughe desse vorsichtigen manne Cune homborch / hennyngh homborch . Jan lantyn . hans slantyn vnd(e) heyne appelman borghere inder vorschreuen olden stat / tu brandenborch . Tu orkunde vnd(e) tu tughe hebbe wy prost dyderik vorbenumet vnse Jngesegele laten hanghen / an dessen bryff . dy ghe gheuen is vpper borch tu brandenborch inden Jaren goddis dusent iar dryhundirt iar / dar na indem eyn vnd(e) veftigesten iare an sunte wolborghen daghe /