Wiͤ ernst vnde Jan veddere geheiten van Ettzin , eggart van Bar-/deleue van vczst , Bernt van Carpczow(e) vnde Tydeke wilmerstorp / knapen , willen komen tuͤ eẏner bekantnisse allir Cristen lude(n) , / dẏ dessen briff angesin , vnde horen leesin , dat willen bekant sin / vnde bekennen tuͤ allen tẏden , dat Ezabel van schorin Recht / Redelike vnde met guͤden willen , sẏnes vnde sẏner vrunt / verkoft heft , vnde verkopet in dessen brẏue erflik sin virdel / waters in der wuͤbelitz , den wisen luden mertene , mathise / vnde tẏle parne syme sone , hans grabow vnde eren Rechten // eleken erfnamen borgeren tuͦ Nowen , vor achtein mark Bran=/deburges siluers vnde wichtes , dẏ siͤ ym an reẏdeme siluere / bereẏdet vnde betalet hebbe(n) , vnde he sẏ(e) ¹ in sẏner nuͤt gekeret vn(de) / gewandelt heft , vnde ouͤk vpgelaten Recht vnde redeliken / Jn deme dorpe tuͤ Schorin , dar he ẏm von Rechtes wegen vpla=/ten scole , met allen stuͤcken alse hir na bescreue(n) steit , dat is / met deme gerichte , vppe deme kẏtze , vnde met vir wenden vp / deme kẏtze , alle desse dingh vn(de) stuͤcke met nuͤt met fruͤcht / vnde met alleme Rechte , vnde wonheit , alse sin vader deme god / genadich sẏ , vorgehat het vnde sint der tijt , Ezabel gehat vnde / beseten het wentehertuͤ , also dat Ezabel van Schorin Engerleie / vischerie noch gebide noch rechticheit scole hebbe(n) an den vorbenuͤ-/meden stucken , wen he vnde syne Erfname scolen genczlike aue / laten vn(de) he gelaten heft , hir v(m)me so loue wi(e)¹ , vnde hebben ge=/louet in guden truͤwen , met samender hant sunder allerleie / argelist , vor Ezabele van schorin vnde sẏne Erfname , den vp=/genanten luden , vnde iren Erue(n) , alle desse egenante stucke stede / vnde vaste tuͤ holdene , vnde wes he ẏm verbrẏuet heft dar an / vnde vngebroken , weret dat den luden ennich brok oder schelin=/ge worde , dar an , dat scole wiͤ vntrichten vnde vntwerren / vp vnse pe(n)ninge , vn(de) scolen vns dar v(m)me dorrelike tuͦspreken , / wes em schelende sẏ , sunder clage , Tuͤ eẏme tuͤge desser ding / so hebbe wi(e)¹ vnse ingesegele an dessen briff laten hengen , dẏ ge=/geue(n) is tuͤ Nowen na godes bort dusent iar drihundert Jar Jn / deme Achte vnde veftichsten Jare a(n)n dem palmdage Amen /