Wiͤ Otto von gods gnaden margg(ra)ue tuͦ Brandembuͦrg vnd tuͦ Luͤsitz des heiligen Romischen Rẏkes ouerstecame-/rer pfaluczgraue bi Rẏn vnd herthoge in Beẏern , bekennen openliken , dat wi willen vnd schuͤllen dyͤ wisen luͤde / dyͤ (?) Ratmanne , Gildemeister(e) vnd dyͤ gemeẏnen buͤrger(e) in der stad tuͦ Alden Brandembuͤrg , behalden vnd ewiklich / laten bliuen , bi allen , eren , rechten , vriͤheiden , gnaden , vnd allen . guͤten gewonheiden , dyͤ syͤ gehat vnd gebruket hebb(e)n / vnd willen en dyͤ meren , vnd betern , vnd nicht mẏnnern , odir krenken , ok wille wi , vnd schullen en holden eweklich(e)n / alle redeliche brieue , dyͤ syͤ von den alden fuͤrsten margg(ra)uen tuͦ Brandembuͦrg vns(e)n voruaͤrn den god gnade , vnd von / den houchgeborn Ludwige dem Eltern vnd Ludwige dem Romer ok marggrauen tuͦ Brandembuͦrg vns(e)n leuen bruͤ/dern gehat hebben , vnd vk von vns hebb(e)n , vnd vor nẏen dyͤ vnd bestedigen en dyͤ mẏt diesem brieue , Des tuͦ orkund(e) / hebbe wi diesen brieff laten versigelt mẏt vnszin angehangenen Jngesigel , dar ouir sẏn gewesen dyͤ Edle man henrich / graue tuͦ Swarczbuͦrg vnd dyͤ vesten manne mertẏn von kuͤntzendorp ritter vns(i)r houemeister henrich von schuͤlen-/lenborgh ¹ vnd ander(er) Erbar(er) lude genuͦg . Gegeuen tuͦ Alden Brandembuͦrg na gods gebuͦrd dritteẏnhuͤnd(er)t iar dar / na in dem vif vnd sestigestem Jare an dem fritage na suͤnte Johans daghe Baptisten /