Egard Bardeleue Copia / Jk Egard van Bardeleue bekenne openbar met desseme / open bryue vor alle dy gene dy en syn odir horen dat ik . / gar redeliken . vorkoft hebbe . den wisen luden merten ma-/thise Clawse Ronnebom vnd(e) Tile parn dat water dat dar / heit dy wubelitz . met aller nūt vnd(e) met aller vrucht also / alse my myn vadir dat ge eruet heft . vnd(e) alse ik dat sulue / na mynes vadir dode beseten hebbe . vnd(e) dat vorbenumde / water vp tu laten vor den Schulten tu schorin met / achte wenden der wende syn vire beseten tu Schorin vnd(e) / dy ander vire syn beseten tu vstz . vnd(e) twe schok hauer sun/derliken vt tu bescheiden . eyn schok hauer scal ik Egard / behalden vp dẏ vorgenante wende . Vortmer weret dat / ik Eghart vorvnrechtede dy wenden tu vstz . so dat sy dar / nicht sitten wolden . vnd(e) togen tu schorin wonen so scolen / sy my Egharde onsten vmme myne mandelle . vnd(e) dorschen / my vmme mynen schepel Tu tuge so bekenne wy . olde kopke / winter peter cruger vnd(e) heyne van den bone dat wy / dat gantz gededinget hebben . vppe dat desse vorscreuen / dingh stede vnd(e) vaste blyuen so hebbe ik Egard van / Bardeleue myn Jng(esegel) an dessen briff gehangen Ge geuen / Na godisbort dritteynhundertiar dar na in deme Achte / vnd(e) sestigesten iare Jn Alden Brand(enburg) An Sunte vin/cetius dage . /