Jk Claw(is) . czuͦghedam . vnd wilke sin soͦne . Be kenne(n) vor alle di dessen briff sin oder / hore(n) . Dat wẏ hebben tuͦ vns ghe noͦme(n) . Drj Rẏkamerghe huͦfen Dy ichteswenne horden / tuͦ der weͤdeme(n) tuͦ Noͦuwen . tuͦ Erue(n)de vnsen kinde(re)n vnd vnsen rechten erue(n) . van deme / prottte van Br(a)nd(enburg) . vnd van deme cappittele des godishuͦses tu Br(a)nd(enburg) . vor vyf stuͦcke(n) gheldes / druddehalue(n) wispel Roͦcke(n) . vnd druddehalue(n) wispel ghersten Jarleker pleghe tu suͦnte / mertens daghe tu Br(a)nd(enburg) vpper borch io tu antwordende wyrt auer dat wy(es) ¹ . nicht / dar kuͦnden ghe antw(or)den . dorch vnfrede od(er) vor vruͦchte vnser perde od(er) dorch / vengnisse wille so schole wẏ dẏ pleghe antw(or)den tuͦ noͦuwe(n) wy(et)¹ di p(ro)ft od(er) dat cappittel / be vuͦle vp tu neme(n)de . Wirt ouck . dat wẏ vur ermeden Dat wẏ der pleghe nicht vur(en) / muͦchte(n) tu gheue(n)de . so schelde wẏ dẏ vorghenante(n) huͦfen deme profte , vnd deme / Cappittele tu Br(a)nd(enburg) met wintersat vrẏ vnder suͦnd(er) toch wed(er) vplaten . vnd vnse / erue(n) vpp dat dit bliue stede vnd alsus by so hebbe ik Claw(is) czuͦghedam min Jnghesegel / hir an ghe hanghen . vnd ik wilke sin soͦne loͦue vnd(er) mins vad(er) Jngheseghel wen / ik soͦluen en gheẏn en hebbe . Nach god(es) bort ghe gheue(n) tu Br(a)nd(enburg) . dusent iar(e) / drihundert iar dar nach Jndeme neghen vnd sesteghesten iare an vnser(er) vruͦwen daghe tuͦ lichmisse /