Jk Roder van konẏsmarke , hen(n)ingh , oltze alberti , coppele / vn(de) Redeke van konẏsmarke Bekenne(n) in dessen open-/brieue , dat wẏ den Erw(er)digen vader ingode hern dẏ=/derik Bisscof tuͦ Brandeburg , vn(de) synen nakomelingen , / vnde dẏ h(e)ren gemeynlik vnde sunderlik , vn(de) ouͦk / dat gantze capittel tuͦ Brandeburg , des geldes vnde / gelouedes , dat her Ludewich , in vor tẏden Bisscof tuͦ / brandeburg , vns vorbrieuet heft , vnde diͤ h(er)ren tuͦ Bran-/deburg gelouet hebbe(n) , vnde ore borgen , segge wiͤ van / vns(i)r vnde van vns(i)r Erue(n) wegen , vnde van alle / der weghen , den de brieue , gelt , vnde gelouede , vnde / vorgetucht an langen moghe , ledich vnde los bi(e) ¹ dess(i)n / open brieue ouͤk hebbe wiͤ di(e)¹ vorsproken brieue / vorlorn , Tuirst diͤ wedder vuͤnden werden , scole wiͤ siͤ / weder antw(er)tin , vns(i)me h(er)ren den Bisscope , vn(de) deme / capittele tuͦ Brandeburg ouͤk scolen diͤ selue(n) brieue / vns vn(de) anders niemande hulpeleke wesen , Tuͦ ey/ner openbaren bekantnisse , dess(i)r gentzleker loslatinge / hebbe wi(e)¹ vns(i)me h(er)ren den Bisscope vnde deme ca=/pittele tuͦ Brandeburg , dessen brif gegeue(n) besegelt / tuͦ der nẏen stad met vns(i)n Jngesegel(e)n na godes ge=/bort dritteinhundert iar , in deme vif vnde souen=/tigesten iare , an deme hilgen pasche auende /