Jk Gise dẏreken vnde frittze vnde Gise des vorbenuͤmeden Gẏse dẏrekens / sone Bekennen vor vns vnde vor vnsen Rechten Erue(n) , vnde / vor allen dy dessen briff , siͤn , oder horen leesin , dat wi(e) ¹ met willen / vnde met vorbedachten muͤde , eyndreftichlike verkoft vnde verlaten / hebbe , vnde verkopen vnde verlaten gentzlike by dessen ẏegenwor=/digen brẏue , deme wisen manne hern Jane van knobelos , perrere // tuͤ Ettzin , Eẏn half verndel wateres , datter het dẏ wubelitze , met / Erue met Cosseten , met alrep , met aller tuͤ gehoringe , vnde dat wi(e)¹ / in vnde an deme vorscreue(n) guͤde gehat hebbe(n) [bettuher] , vnde / vertẏens al vnde gentzlike , vnde willen des nu(m)mer gevorde-/ren , vnde dy vorscreue(n) her Jan heft vns dar v(m)me eẏn vulkome(n) / genuͦge gedan , Tuͤ orkuͤnde vnde tuͦ tuͤge hebbe ik Gise dyreken / vorgenant mẏn ingesegel van mẏner , vnde van frittzen vnde / Gisen mẏner sone , vnde van vnser Erue wege(n) , vn(de) wi(e)¹ frittze / vnde Gise Bekennen , dat Gise dẏreken vnse vader vorgenant / van vnser vnde vnser Erue wegen , met vnser witscap vnde / met vnsen guͤden willen sin ingesegel , wen wi selue neẏne Jngesegele en hebbe(n) , heft laten hengen an dessen briff . dẏ gege=/ue(n) is tuͤ Brandeburg Jn den Jaren godes dritteẏnhundert Jar / dar na Jn deme Eẏn vnde Achtentichsten iare , an vnser vruͦ-/wen dage orer gebort , Tuͤge desser dingh sint dẏ Erbar lude , her / Jan perrer tuͤ falkenreẏde , vnde otte dẏreken vnde Claws bre=/mer Borger in der nẏen stat tuͤ Brandeburg , vnde mer guͤder / lude genuͤch [vendicio quarte p(ar)tis aque wubelitz per d(o)m(i)n(um) / Johannem Knobelok]²