Jk gyse dyreke vnd(e) fritze vnd(e) gyse des vorbenümeden gyse dyrekens soͤne . Bekennen vor vns vn(de) vnsz(en) / rechten eruen . vnd(e) vor all(e)n dẏ dessen brẏf syn odd(er) hoͤren lesen . dat wi met willen vn(de) met / wolbedachte(n) müde eyndreftliken . Eyn half verndel . des erfliken waters der wubelitze . dat / wilkene hoppemode . borger tü Nowen . deme got genade . worden waz . van delinghe wege(n) / van den verndele des seluen waters der wubelitze . dat merten mathis . vnd(e) tyle parne . vnd(e) / dẏ vorbenümede wilke hoppemode . van czabele van schorẏn erflike gekoft hadden . vnd(e) dẏ / selue wilken hoppenrode . ghe eruet hadde vp hanse grabowen . clawese hinrike Ebele vn(de) wilkene / gheheẏten hoppenrode syne soͤne . den ik gyse direke . vorbenuͤmet dat selue halue verndele erflike / af gekoft hadde . vn(de) sy my dat genczlike met aller tuͤgehoringe erflike gelaten hadden . hebbe(n) vor/koft vn(de) vorkope(n) erflike in dessen yegenwordẏgen bryfe . deme wysen ma(n)ne Ern Jane van / knobelok perrer tü Etzin vnd(e) synen rechte(n) erue(n) . met ouerste(n) vn(de) sydesten gerichte vp den wate(re) / met toͤgen met erue tynsen alrep met grot vn(de) kleyner vischerẏen . met twen wende(n) vp deme / kytze tü schorẏn met ouersten vn(de) sydeste(n) gerichte dar ouer met vryer weyde vrucht vn(de) nuͤt , wes / em noͤt is. met togeden met rokhüme(n) met aller nuͤt vn(de) wonheit met alme richte vn(de) met / alle(n) andern tuͤgehoringe . alze wi dar wentetüher gehaͤt hebbe(n) nicht ¹ vͤt genome(n) . So dat wi / an den wateren vn(de) gude(re)m neyne rechticheit vn(de) nicht¹ vortmer beholden . vn(de) vertẏens al vn(de) / gentzliken . vp des vorscreue(n) Ern Janes van knobelokes vnd(e) syner eruen behuͤf . vnd(e) willen / em des vulkome(n) geker syn . wen vnd(e) war des noͤt is . vnde di vorscreue(n) Ern Jan van knobelok / het vns dar v(m)me vulkomen genüghe gemaket . Tu orkünde vn(de) tuͤ tughe . hebbe ik gẏse / dyreke vorgenant . myn Jngesegele van mẏn(er) . vn(de) van fritzen . vnd(e) van gysen mẏner soͤne / vnd(e) van vns(er) erue wegen . an dessen bryf laten hanghe(n) . vnd(e) wẏ fritze vnd(e) gyse vorgenant / bekenne(n) dat gyse direke(n) vnse vorbenumede vader . van vnsz* vn(de) vnser erue wege(n) met vns(er) / witschap vnd(e) met vnsen guden wille(n) sin Jngesegele . wen wẏ selue neyn Jngesegele hebbe(n) / het laten hange(n) an dessen brẏf . dẏ gegeue(n) is tü Br(a)nd(enburg) Jn den iare(n) goddis . drutteynhundert / iar dar na in deme eyn vn(de) achtentichsten iare an vns(er) vruwen dage orer gebort Tuge dess(er) / ding sint dẏ wyse ma(n)ne Ern Jan p(er)rer tu valkenrede otto dyreke vn(de) Claw(es) bremer borgher in der / nyen stat tuͤ Brand(enburg) vnde met guder lude genuch . /