[Census sup ... etc. lateinisch, 1 Zeile] Brand(enburg) / Dẏ kerke vnd(e) capittel tu b(ra)nd(enburg) . hebben den / werder tuschen der alden stad tu b(ra)nd(enburg) . vnde / tuschen deme veẏzerse bẏ der krakoschen bruͮggh(e)n / tur lucht(en) hant des weges so me gat van der / alden stad . tu der alden¹ stad¹ borch wart , vnde / etlẏke worde inder alden stad tu b(ra)nd(enburg) tu egen=/dome , vp den w(er)der , heft dy kerke vn(de) dat ca=/pittel yerlike tu tynse eyne(n) schillẏnk b(ra)nd(enburgscher) / pe(n)ny(n)ghe den dẏ ratman in der Alden stad / tuͦ b(ra)nd(enburg) vp deme Rathuse dar seluens van / den werdere gheue(n) . deme capittel der kerke(n) / tu b(ra)nd(enburg) alle iar vp sunte m(er)tens dach , tu me / teyken des eghendomes des werders , vnd(e) dẏ lude dẏ vp dẏ worde in der alden stad wone(n) / , geue(n) alle iar vp sunte mertens dach ghena(n)/ten tẏns deme capittel der kerken tu b(ra)nd(enburg) / van den worden tu me teyken . des egh(e)n=/domes der worde . dy tyns vn(de) dẏ worde vn(de) / dẏ lude . dẏ nuͦ huͦs hebben . vp dy worde vn(de) / vp dy worde i(n) den huͦsen wone(n) vnd(e) den / tẏns dar aue geue(n) . stan hir na benuͦmed / vnd(e) beschreue(n) tu den irsten male vp ma=/thens smedes wort eẏne(n) schillynk . vp / arnoldus prettzels wort eyne(n) schẏllẏnk / , vp arnoldus wylewevers wort ses pe(n)ni(n)ghe / , vp Clyzekens wort drẏ scherf . vp ioha(n)nes / bissows wort dry scherf , vp gotows wort / eẏne(n) pe(n)ny(n)gh , vp nicola(s) brandes wort / eyne(n) pe(n)ny(n)gh . vp coppen hellẏns wort drẏ // scherf . vp vulows wort ses pe(n)ny(n)ghe . vp des / bodekers wort , dẏ bẏ den vor schreue(n) mathe(ns) / smede wonet eyne(n) schillẏnk / dy su(m)me sestehalf schilly(n)k vn(de) ey(n) scherf /