Jk Arnt clot Borgher inder oldenstat tu Br(a)ndeborch , ghekoren scheydeman v(m)me kane(n)tyns / vpper wubelitze virer besunderen wende tu vtzst den vincencius koldenborne Bor/gher inder Nyenstat tu Br(a)ndeborch Sich tu erue an dedinghet tu vntscheyden endeftich/like recht dar v(m)me tu Segghen , inder benuͤmeden wilborden steden tu Br(a)nd(eborch) , na des / vorschreuen vincenen koldenbornes tu sprake an eyner Syden , vnde des prostes vn(de) / capittels tu Br(a)ndeborch Ern Jans knobeloks altaristen des altar(es) sunte Johan(n)is / in der par kerken tu Nowen vnde plesows , Frictzen van prutzeke der elenden / inder seluen Nÿenstat tu Br(a)nd(eborch) voratzlude , andwerde ander andern sÿde So ik / mÿ be vraghet hebbe vnde ik seluer rechtist weÿt , spreke ik vor recht dat dy / prost , dat Capittel er Jan knobelok vnde dy voratzlude hebb(e)n wulkomener / anku(m)pft vnde bat bewyset vn(de) beter recht tu dem(e) ¹ kane(n)tẏnse vort tu hebb(e)n vn(de) / tu beholden , wen vincenti(us) koldenborne , vnde dy prost , Cappittel Er Jan kno/belok vnde voratzlude , doruen desse sake nicht vorderen noch verandwerd(e)n / Jn dat richte tu schorÿn vnde koldenborne schal sy vort , dar an nicht / hindern noch erren vn(de) schal em dar v(m)me schaden legern vp recht , Dÿt / is geschÿn vpper wedemen in der vorgena(n)ten Nyenstad tu Br(a)nd(eborch) vn(de) hebbe / des tu tughe myn Jngesegil . hir an laten hengen Jn den Jaren goddis / dritteynhund(er)t Jar , dar na Jndem eyn vnde negentichsten Jare , des / negisten dunredag(es) na sunte Joha(ni)s daghe also he vnthouedet wart , /