Jk Heyne da(m)meker Borger in der Oldenstat Tu Br(a)ndeborch . vndir de(n) Twen Rechten . der / Arnt clot Borger in der seluen oldenstat Tu Br(a)ndeborch . Eyn Het gesproken . van Ern Hentze(n) / Prostis vn(de) des cappittels Tu Br(a)ndeborch . vn(de) van des altaris sunte Johans in der par-/kerken Tu nowen . vnde van der Elende in der nyenstat Tu Br(a)ndeborch wegen . vn(de) Herme(n) / Bardeleue dat andere van vyncencius koldenborns Borgers inder seluen nyenstat Tuͦ / Br(a)ndeborch wegen . v(m)me kane(n)ty(n)s . vpper wuͦbelitze vÿrer sunderliker weynde Tuͦ vtzst / vn(de) sÿ my an beyden syden gebeden vn(de) Tu eyme ou(er)ma(n)ne williklyke gekoren hebben / vn(de) der Rechte Tu mÿ Tu eyme ou(er)ma(n)ne gegan syn . dat Beste vnde dat Rechtiste dar / vnder tu w(borden) vn(de) tu segghen . So Jk dÿ Beyde Rechte gesyn vn(de) gehort vn(de) ore / Rechticheyt wlkomen Jrfaren hebbe . so wlborde Jk vn(de) segghe . dat , dat recht . dat / Arnt clot . vndir den Twen rechten gesproken het . dat Beste vn(de) dat Rechtiste Js . dyt is / geschyn in der vorbenuͦmeden Oldenstat Tu Br(a)ndeb(orch) vp den parkerkhoue suͦnte go/derdis Jn dem lykhuse . Jn den Jaren goddis dritteynhundert Jar , dar na in dem(e) / Twe vn(de) negentichsten Jare , des negesten middewekes . vor vnser vrowen daghe / lichtmisse Tu vesp(er)tyde . Hir synt By gewesen . dy Erliken herren . er nicola(us) haselov Er Jan Czuden vrytze(n) Er nicola(us) vitzenitz . vn(de) dy duchtige man dyderik Bogelsak . vn(de) / dÿ erliken wysen ma(n)ne Tyle clot . Heyne schulte van wsterwitz . Hans Bredow . / vnde hans vruchtenicht Borge(re) in der seluen oldenstat Tu Br(a)ndeborch . des Tuͦ / Tuge hebbe Jk Heyne(n) da(m)meker vorgenant myn Jngesegil hyr an laten Hengen /