. . Alant Vang vnder den stege(n) by de(m) waseb(er)ge / V(m)me dat hans stapel vn(de) hans losakker bure tu / roschow ore rusen hadden gestellet , van dem(e) ¹ vorde / vnder den steghen , alsemen van den waseb(er)ge / teÿt tu br(a)nd(enburg) , tuder recht(e)hant , vn(de) dar v(m)me / med den rusen vn(de) med dem(e)¹ gerede dar tuͤ van / werner nȳtarde , vn(de) Tilen mortzanen , van des / Capittels tu br(a)nd(enburg) wegen , dar gegrepen worden , / Jn den jaren goddis dritteynhund(er)t , jar dar na in / den twe vn(de) negentichsten jare in den mane ap(osto)lis / des negesten middewekes des auendes na dem / Sundage quasi modo geniti , vnd(e) in des capittels / pressuͦn gesettet vorden , hebb(e)n dÿ vorschreuen , / Hans stapel den heyne botzer borgher in der oldenstat / dar vt geborget hadde , vn(de) hans losakker den / granseÿe borger in der nÿenstad tu br(a)nd(enburg) dar vt , / geborg(et) hadde , Sich berichtet also , dat her heni(n)gh / vn(de) mathias van bredow to dem proste vn(de) capittelle / tu br(a)nd(enburg) vor hans stapel vn(de) hans losakker ge=/beden hebb(e)n , dat dy prost vn(de) dat capittel dor der / beden wille dat hebb(e)n tu dessen male tu ghegeuen / vn(de) ouer seen vn(de) her heni(n)gh vnde mathias / van bredow , hebb(e)n dem(e)¹ proste vn(de) dem capittel / ge redet dat hans stapel vn(de) hans losakker / noch ander ore bur des nicht mer ne dun sollen /