Wyntegede Jacop Rossowes borgers / in der Nyen stat wyngarde / JN den Jaren godis dusent iar drihundert Jar / dar na in deme ses vnde Negentichsten iare des / dunnerdaghes bynnen den achtedaghen goddis . / ghebort . Jn Jegenwardicheyt . vnde tu Tughe . der / craftigen . Ern Johannis Coti officiales des bisscho=/pes houes tuͦ Brand(enburg) vnd(e) her Nicolai plonitz cano-/nic(es) der kerken tuͦ Brand(enburg) . vnde er Almaris per-/rers tuͦ protzerwe . vnd(e) Claws Stephans borghers / in der Nighen stad tuͦ Brand(enburg) hebben dy craftighen / wisen manne . Er hinr(ich) Grote canonik der kerken tuͦ / Brand(enburg) perrer in der olden stad tu Brand(enburg) . vnde / Jacob Rossow Borgher in der Nighen stad tuͦ Brand(enburg) / vmme wyntegheden van dem wyngarden dẏ lecht / an vnser wrowen berghe vor der olden stad tuͦ Brand(enburg) / tuͦ deme meynen weghe wart also men wandert vt / der olden stad tuͦ Brand(enburg) tu der leem gruuen wart / tu der luchterhant wart eyndrafftichliken med gude(n) / willen vnde med guden vorbedachten mude . ghe / dedinghet vnde ouer eyn komen . dat dy vorbenuͦme/de Jacob Rossow dy wile hy leuet . wil vnde schal / dem vorbenumden perrer in der olden stad vnde / synen nakomen perren . vor den wyntegheden van / dem wyngarden . gheuen alle iar vyr stoueken wy-/nes . Auer nach syme dode scholen syne eruen van / dem wyngarden gheuen vor den tegheden dat drut/tigeste stoueken wynes . weret ok dat hy den . / wyngarden by synen leuende vor kofte . so schal / dy koper edder dy den wyngharden besittet . het / holdet edder werket van den wingharden vor . / den tegheden gheuen alle iar deme vorgnanten // perrer vnde synen nakomelinghen dat druttigheste / stoueken wynes /