Wẏ(e) 1 . . Buͦrg(er)meiste(re) vnde Radmanne . Ald vnde Nẏe . die nuͮ sin vnde na to komende sint Jnd(er) / Nien Stad Brandeborch . Bekennen vnde Betuͦghen mit disseme vns(e)n opene(n) briffe allen luden / die en lesen , horen , adir sien , dat wi mit vulbord vnsir Borg(er) gemeẏne eẏn worden sint vnde / hebben gelouet vnde louen mit craffte disses Briffes . den Ersamen Radherrn inder Aldenstad Bran=/deborch Sulke stuͮcke vnde artikele Stede vnde wol to haldene Alse si hir na bescreuen stan . To me irste(n) / male so loue wi en dat , Quemet dat wẏ , vns(e)me heren deme marcg(re)uen adir sinen gewaldighen / wolden adir muͦsten volghen to noden adir to heruart , Adir wẏ wapende lude scolden verdighen ie=/ghen vnse viende , adir halden wolden laten to velde in welker mate wi des eẏn worden to vnsir / twier stede nod , so scole wi vnde willen vvͦt2 vnsir nienstad verdighen twe lude , vnde die Radma(n)ne vvͦt 2 / der Aldenstad einen dar ieghen , war vnde wenne wẏ des bedorffen . vnde wi des vnder vns ok eyn / werden wuͦ vele lude wi verdighen scolen adir willen , Wen dit sus geschijt neme wẏ den ok / welken from dar ouer angefanghen , vee , hauen , adir an frome die beiden steden to drecht / des fromes scole wi Radmanne vvͦt 2 der nienstad nemen twe deil , vnde die Radmann(e) 1 vvͦt 2 d(er) . / alden stad dat drudde deil . wen besuͦnde(re)n vvͦt 2 genomen perde , vnde harnesch . dat scolen die / ihene Buten vnde deilen na mantale die van vnsir twier stede weghen to velde sint gewesen , vnd(e) / ok die ihene die ore perde vnde knechte dar tho don , die scolen oren deil dar ane nemen na d(er) / Radmann(e) 1 Rade . neme wi auer welken schaden dar ouer dar god vor si in so da(n)n Reẏsen . So / scole wi vnde willen io den schaden to vorne vvͦt 2 legeren mit deme frome er ennighe Butinghe / dar gheit . an harnesche vnde an perden . wat dar den vorbat an schelde an schaden to legeren / des scole wi wt der nienstad leggen twe pe(n)ninghe . vnde die wt der Alden stad den drudden pe(n)=/ningh . Vortmer wer(et) ok dat ennighe Ronni(n)ghe queme(n) adir geschege(n) vor vnsir stede welk / vnde wi den vvͦt 2 quemen mit vnsen Buͦrgeren to perde , adir to vuͦte , vnde from dar ouer neme(n) / luͦtlik adir vele . kleẏ(n)e1 . ad(ir) grot . des fromes scole wẏ Radma(n)ne vvͦt 2 d(er) nienstad ok neme(n) twe pe(n)=/ni(n)ghe . vnde die Radma(n)ne wt d(er) oldenstad scolen nemen den drudden pe(n)ni(n)gh . neme wẏ ok Jen=/nighe(n) schaden dar ouer dar god vor(e) 1 si . so scole wi Radmann(e)1 wt der nienstad ok gelden twe / pe(n)ni(n)ghe vnde die Radmann(e)1 wt der Aldenstad . scolen legeren vnde gelden den druͦdden pe(n)ningh / sunder vortoch . hulperede . vnde wedersprake , hadde eẏne stad ok mer lude wen die ander dat / schal dar nicht an schelen , To frome , adir tho schaden . Ok schal sik eyn(e) Stad ieghen der an=/deren hir an bewisen mit truͮwen . Vorbat mer die theringhe die wi hir ou(er) don werden . An / kosten , arbeide , Bodegelde , adir an briffepe(n)ninghen . Jnwelker mate dat dat geschijt , die scole / wi vnde willen vorbat mer draghen , don , vnde theren mit eẏn ander wt eẏme Budele , vnde / wẏ Radmanne wt der nien stad scolen gelden vnde don to der theringhe twe pe(n)ninghe . vnde / die Radmann(e)1 wt der Aldenstad scolen gelden den drudden pe(n)ni(n)gh liflike vnde mit willen . war / vnde wenn(e)1 des nod werdit . Vorbat mer wolde ok vnser Borg(er) welk ẏmand wt thin vnde / laden toͦ krighe geistlike , Odir wertlike , oder wolde vnsir Borg(er) adir vnser stede welk vẏend sin / weder Recht . dar scole wẏ vnde willen Recht vorbẏden . vnde Bẏ oreme rechte bliuen , vnde dar / wi Recht vor(e) 1 byden , des Rechten vnde vnrechten scole wi vnde willen toͮ allen tiden mechtich sin . / Alle disse vorbescreuen(e) 1 stucke vnde artikel . loue(n) wi Ergenan(nten) . Burg(er)meiste(re) vnde Radmann(e) . ald / vnde nẏe d(er) nienstad Brand(eborch) . vor vns vnsen nakomelinghe(n) . den Ersamen Radma(n)nen ald vnde / nie Jnd(er) alden stad Brand(eborch) . vnde oren nakomelinghe(n) die Jnd(er) tijd Radmann(e)1 w(er)den . stede vnde vaste / to haldene Jnguͮden truͦwen . suͦnder allerleie argelist . des to einer groteren bekantnisse so / hebbe wi vnser Stad Jngesegele witlike laten henghen , An dissen Briff . na Cristi gebord / dusent Jar . drẏ hundert Jar , dar na Jndeme Achte vnde negentigest(e)n jare . des negesten man/dag(es) na palmen . [etc.] /
| 1 | Vokal hochgestellt |
| 2 |